Ku-ba-ku phail gayi baat shanasayi ki..
Ku-ba-ku phail gayi ..
Ku-ba-ku phail gai bat shanasai ki,
Us ne khushbu ki tarah meri pazirayi ki,
Kaise kah dun k mujhe chor diya hai us ne,
Bat to sach hai magar bat hai ruswayi ki,
Wo kahin bhi gaya lauta to mere pas aya,
Bas yahi bat hai achi mere harjai ki,
Tera pahlu tere dil ki tarah abad rahe,
Tujh pe guzre na qayamat shab-e-tanhai ki,
Us ne jalti hui peshani pe jo hath rakha,
Rooh tak aa gayi tasir masihayi ki..
Parveen Shakir, Video Shayari
February 13th, 2015
Tariq shah
February 4th, 2017 at 9:28 pm
Heart touching
I really like poetry