Agar iss khel me ab woh bhi shamil hone wala hai..

Agar iss khel me ab ..

Agar iss khel me ab woh bhi shamil hone wala hai,
To apnaa kaam pehle se bhi mushkil hone wala hai,

Hawaa shakhon me rukne aur ulajhne ko hai iss lamhe,
Guzarte baadalon me chaand haayel hone wala hai,

Assar ab aur kya honaa tha us jaan-e-taghaaful pr,
Jo pehle besh-o-kam tha woh bhi zaayel hone wala hai,

Zeyada naaz ab kya kijiye josh-e-jawani pr,
Ke yeh tufaan bhi rafta raftaa saahil hone wala hai,

Hamiin se koi koshish ho na paayi kaargar warna,
Har ik naaqiss yahan kaa peer-e-kaamil hone wala hai,

Haqeeqat me bohat kuch khone wale hain yeh saada-dil,
Jo yeh samjhe huye hain un ko haasil hone wala hai,

Hamare haal-maston se khabar hone se pehle hi,
Yahaan pr aur hi kuchh rang-e-mehfil hone wala hai,

Chalo iss marhale pr hi koi tadbeer kar dekho,
Wagarna sheher me paani to daakhil hone wala hai,

“zafar” kuch aur hi ab shobda dikhayiye warna,
Yeh daava e sukhan-daani to baatil hone wala hai..


send poetry

Zafar Iqbal
June 6th, 2015

Comment here

Your Comment: