Chehray Parhti Aankhein Likhta Rehta Hun

Chehray Parhti Aankhein Likhta Rehta Hun
Mein Bhi Kaisi Baatein Likhta Rehta Hun

Saray Jism Darakhton Jaisay Lagtay Hain
Aur Baahon Ko Shaakhein Likhta Rehta Hun

Tujh Ko Khat Likhnay Ke Tewar Bhool Gaye
Aarhi Tirchi Satrein Likhta Rehta Hun

Teray Hijr Mein Aur Mujhay Kya Karna Hai ?
Teray Naam Kitaabein Likhta Rehta Hun

Tujh Say Mil Kar Saaray Dukh Dohrawon Ga
Hijr Ki Saari Baatein Likhta Rehta Hun

Sukhay Pattay, Phool, Kitaabein, Zakham Judayi Ke
Teri Sub Sogaatein Likhta Rehta Hun