Meri saadgi dekh

tere ishq ki inteha chaahta hoon
meri saadgi dekh kya chaahta hoon

sitam ho k ho waada-e-behijaabi
koi baat sabr-aazma chaahta hoon

ye jannat mubaraq rahe zaahidon ko
ki main aap ka saamna chaahta hoon

koi dam ka mehmaan hoon ai ahal-e-mehfil
chiraagh-e-sahar hoon bujhaa chaahta hoon

bhari bazm main raaz ki baat keh di
badaa be-adab hoon… sazaa chaahta hoon….