Phir se mausam baharon ka aney ko hai
Phir se mausam bahar..
phir se mausam bahaaro.n kaa aane ko hai
phir se rangii.n zamaanaa badal jaayegaa
ab kii bazm-e-charaaGaa.N sajaa le.nge ham
ye bhii aramaa.N dil kaa nikal jaayegaa
aap kar de.n jo mujh pe nigaah-e-karam
merii ulfat kaa rah jaayegaa kuchh bharam
yuu.N fasaanaa to meraa rahegaa yahii.n
sirf unavaan us kaa badal jaayegaa
phiikii phiikii sii kyuu.N shaam-e-maiKhaanaa hai
lutf-e-saaqii bhii kam Khaalii paimaanaa hai
apanii nazaro.n se hii kuchh pilaa diijiye
rang mahafil kaa Khud hii badal jaayegaa
mere miTane kaa un ko zaraa Gam nahii.n
zulf bhii un kii ai dost bar_ham nahiN
apane hone naa hone se hotaa hai kyaa
kaam duniyaa kaa yuu.N hii to chal jaayegaa
aap ne dil jo ?Zahid? kaa to.Daa to kyaa
aap ne us kii duniyaa ko chho.Daa to kyaa
aap itane to aaKhir pareshaa.N na ho.n
vo sambhalate sambhalate sambhal jaayegaa
Ghazal Shayari
April 24th, 2010
amjad
July 11th, 2010 at 2:10 pm
Kai badnamia?n hoti , kai ilzam sar jatey
Magar ai kash ham dono?n hamee?n dono pe mar jatey
Agar tum khab hotey to tumhe aankho?n mai rakkh letey
Na goya neend se phir jagtey hatta k marr jatey
Agar hum roshni hotey to phir ahsas ki lau se
Zamee?n ko chhorh detey mill k dono?n chand par jatey
Agar tum phool hotey to tumhari khushboo mai rehtey
Samandar ki tarah hotey to ham tum mai bikhar jatey
Hamarey khal-o-khadd kaise hain ye ab tak nahi dekha
Agar tum aaina hotey to hamm kitney sanwar jatey
Agar suraj hi hotey to phir apni dhoop ki surat
Wajood-e-yaar ki dharti pe SHAHI hum bikhar jatey
Poet:Yaseen Shahi
Selected from ?Muhabbat ka naya mausam?
amjad ali
July 12th, 2010 at 1:00 pm
Ghazal
Kai badnamia’n hoti , kai ilzam sar jatey
Magar ae kash ham dono’n hamee’n dono pe mar jatey
Agar tum khab hotey to tumhe aankho’n mai rakkh letey
Na goya neend se phir jagtey hatta k marr jatey
Agar hum roshni hotey to phir ahsas ki lau se
Zamee’n ko chhorh detey mill k dono’n chand par jatey
Agar tum phool hotey to tumhari khushboo mein rehtey
Samandar ki tarah hotey to ham tum mai bikhar jatey
Hamarey khal-o-khadd kaise hain ye ab tak nahi dekha
Agar tum aaina hotey to hamm kitney sanwar jatey
Agar sooraj hi hotey to phir apni dhoop ki surat
Wajood-e-yaar ki dharti pe SHAHI hum bikhar jatey.
Poet:Yaseen Shahi
amjad ali
July 13th, 2010 at 11:52 pm
Samandar kya karen ge qatra-e-shabnam chura lae’n
Agar mumkin ho zakhm-e-hijr ka marham chura lae’n
Baharo’n k chaley janey khiza’n aney ka dar na ho
Koi aisa muhabbat ka naya mosam chura lae’n
Khabar ho neend ki paryo’n na hi khwabon ki devi ko
Tumhe’n palko’n ki doli mein bitha kar hum chura lae’n
Hame’n jazbat k sehra ko bhi sairab karna hai
kisi tootey huey insa’n ki chashm-e-nam chura lae’n
Tumhara sath hai to aik bus apna jeewan kyun
Jaha’n walo’n ki sari umr aao hum chura lae’n
Sada ki muskurahat un k honto’n pe sajaney ko
Chalo Shahi zara chupkey se un k ghum chura lae’n.
Poet:Yaseen Shahi