Yehi Haalaat Ibtadaa Se Rahe
Yehi Haalaat Ibtadaa..
Yehi Haalaat Ibtadaa Se Rahe
Log Hum Se Khafaa Khafaa Se Rahe,
Bewafaa Tum kabhi Na Thay Lekin
Yeh Bhi Sach Hai K Bewafa Se Rahe,
In Chiraghun Mein Tel Hi kam Thaa
kiyon Gilaa Phir Hamen Hawaa Se Rahe,
Bahas, Shatranj Sher Mauseeqi
Tum Nahi Rahe To Yeh Dilaase Rahe,
Us K Bandon ko Dekh kar kehiye
Humko Umeed kiyaa Khudaa Se Rahe,
Zindagi ki Sharaab Maangte Ho
Hum ko Dekho K Pi K Piyaase Rahe.
Ghazal Shayari
August 27th, 2012