Us ne sukuut-e-shab main bhi apna qayaam rakh diya..
Us ne sukuut-e-shab ..
Us ne sukuut-e-shab main bhi apna payaam rakh diya,
Hijr ki raat baam pr mah-e-tamaam rakh diya,
Aamad-e-dost ki naveed ku-e-wafaa main aam thi,
Main ne bhi ik charaagh sa dil sar-e-shaam rakh diya,
Shiddat-e-tishnagi main bhi ghairat-e-mai-kashi rahi,
Us ne jo phair li nazar main bhi jaam rakh diya,
Us ne nazar nazar main hi aise bhale sukhan kahe,
Main ne to us ke paaon main sara kalaam rakh diya,
Dekho yeh mere khawab they dekho yeh mere zakham hain,
Main ne to sab hisaab-e-jan bar-sar-e-aam rakh diya,
Ab ke bahaar ne bhi keen aesi sharaarten ke bas,
Kabk-e-dari ki chaal main tera khiraaam rakh diya,
Jo bhi mila usi ka dil halqa ba-gosh-e-yaar tha,
Us ne to saare sheher ko kar ke ghulaam rakh diya,
Aur faraz chahiyen kitni mohabten tujhe,
Maaon ne tere naam pr bachon ka naam rakh diya..
Ahmad Faraz, Designed Shayari, Ghazal Shayari
October 21st, 2016
Akram Khan
October 21st, 2016 at 5:55 pm
abb Woh Akram bhii hai zard saa
likh kar apna qalam
faraz humko tumharii shayrii ne
kar k gulaam rakh diya
love this poet nd ur poetry
Vikas
October 22nd, 2016 at 8:09 pm
shayari tou dil pe lgi ko aur bdati hai dosto, Kaam Aise kro k bewafa ka naamo nishan mit jaye