Mohtaaj Humsafar Ki, Musaafat Na Thi Meri. . !
Mohtaaj Humsafar Ki,..
Mohtaaj humsafar ki, musafat na thi meri
Sab sath thy magar, kisi se rafaqat na thi meri
Haq kis se maaangta k makeeno’n k sath sath
Deewar-o-baam-o-dar ko zarurat na thi meri
Such bol k bhi dekh liya un k saamney
Lekin unhein pasand sadaqat na thi meri
Mein jin pe marr mita tha wo kaghaz k phool thy
Rasmi mukaalmay thy, muhabbat na thi meri
Jo dusro’n k dukh thy wohi mery dukh bhi thy
Kuch aisay mukhtalif bhi hikayat na thi meri
Bus kuch asool thy jo bahar-haal they aziz
Janam! Kisi se warna adawat na thi meri. . !
Dard Bhari Shayari, Ghazal Shayari, Sad Shayari
March 25th, 2013
Comment here
Next: Zanjeer-e-Wafa . . »