Ye Kia Haalat Bana Rakhi Hai?
Ye Kia Haalat Bana R..
Ye kia haalat bana rakhi hai? Ye aasaar kaisy hain?
Boht acha bhala chora, ab beemar kaisy hain?
Wo mujh se poochny aai hai k kuch likha nahi’n mujh per?
Mein us ko kaisy samjhaun, mery ash’aar kaisy hain?
Meri sochain hain kesi, kon in soch’on ka markaz hai
Jo mery zehn mein paltay hain wo afkaar kaisy hain
Mery dil ka alaao aaj tak dekha nahi’n jis ne
Wo kia janay k sholay surat-e-izhaar kaisy hain
Ye mantaq kon samjhay ga k yakh kamray ki thandak mein
Mery alfaaz k malboos shola baar kaisy hain
Zara si aik farmaish bhi poori kar nahi’n sakty
Muhabbat karny walay log bhi la-chaar kaisy hain
Judai kis tarha bartao hum logo’n se karti hai
Mizaaj’an hum sukhanoor be-dil-o-be-zaar kaisy hain. . !
Dard Bhari Shayari, Ghazal Shayari
March 31st, 2013