Ik khilona toot jaye ga naya mil jaye ga..

Ik khilona toot jaye ga naya mil jaye ga,
Main nahi to koi tujhko dosra mil jaye ga,

Bhagta hun har taraf esey hawa kay sath sath,
Jis tarha sach much mujhey us ka pata mil jaye ga,

Kis tarha roko gey ashkon ko pas e dewar e chasham,
Ye to pani hai isey to rasta mil jaye ga,

Ja raha hun is yaqeen sey us kay chorey ghar ki simat,
Jesey wo bahir gali me jhankta mil jaye ga,

Tez hoti ja rahi hain dharkanien esey adeem,
Jesey agley morr par wo bewafa mil jaye ga.

Adeem Hashmi