Bohat pehle se afsurda chale aate hain hum to..

Bohat pehle se afsurda chale aate hain hum to,
Bohat pehle ke jab afsurdgi hoti hi nahin thi,

Bohat takraar rehti thi bharey ghar mein kisi se,
Jo shey darkaar hoti thi, wohi hoti nahin thi,

Nikal jatey they sar pe be’sar o samaani laadey,
Bhari lagti thi ghatthrri, aur bhari hoti nahin thi,

Humain yeh ishq tab se hai ke jab din ban raha tha,
Shab-e-hijraan mein jab itni sarsari hoti nahin thi,

Humain in haalon mein hona bhi koi asaan tha kya,
Mohabbat aik thi aur aik bhi hoti nahin thi..