Dhoond laita hai

Mujh ko dhoond laita hai.. nit naye bahanay say
Dard ho gya waqif meray har thikanay say

Chall diya maseeha bhi dard sounp kar apnay
Baz woh nahi ata mujhko aazmanay say

Kuch kahain to ruswai, chup rahain to soudai..
Dill nahi nikal pata aisay taanay baanay say

Ab nazar nahi uth’ti us ki bazm main hum par
Hum qadr kho baithay roz anay jaanay say

Aik ghumgusaar diya saath kab talak daita
Ho gai hai khamooshi us k do0b janay say

Aik do ki baat nahi un ginat samaitay hain
Kab yeh dil sambhaltaa hai aik ghum bhulanay say

Sir jhukaye mazi main khud ko khojta hai koi
Aur kya millay ga tumhain is ghareeb khanay say

Bolo kya maza paya tum nay zindagi say?
Ajnabi rahay khud say, ajnabi zamany say…