Dilon Ki hasraten

Ajab hain raaste mere k chalna bhi nahi mumkin,
Zara thoker jo lag jaye sambhlna bhi nahi mumkin,

Tera chehra meri nazron main dhundla sa na ho jaye,
Bheegi hoi aankhon ko ab malna bhi nahi mumkin,

Mile hain baad muddat k bala k sard hain lehje,
K jalna bhi nahi mumkin pighalna bhi nahi mumkin,

Talluq toot jaane se ummeden toot jaati hain,
Dilon main hasraten le ker bahelna bhi nahi mumkin,

Bohat na-kaamian le ker howa hoon khaak ka qaidi,
Chalo ab aaj se ghar se nikalna bhi nahi mumkin,

Usay itna na socha ker teri aadat na parr jaye,
Phir to aisi aadaten badalna bhi nahi mumkin