Is bay kali ka koi bhi saman na ho saka

Is bay kali ka koi bhi saman na ho saka
Us say bhi mera dard ka darmaan na ho saka

Mil na sakay sitaaray apna naseeb kay
Ya naam tera naam ka anwaan na ho saka

Zinda hain apni laash uthaye hum aaj bhi
Poora wo hum sa marnay ka paimaan na ho saka

Wo jo nahi mila tou khuwahish hi mit gayi
Phir dil main koi paida armaan na ho saka

Wahamoon na is qadar rulaya lahoo lahoo
Dil ya haqeeqatoon par garyaan na ho saka

Jhooli main daal deta Muhabat ki Bheek wo
Itna maharbaan hum pay tou yazdaan na ho saka

Us bay mohar ka shikwa sar e aam kia karain
Hum sa kisi ka zulm youn aryaan na ho saka

Usko jo kho diya rahoon kay beech main
Phir zindagi ka ye safar asaan na ho saka