Muhabbat Ka Hawalati

Tabhi Toh Main Muhabbat Ka Hawalati Nahi Hota
Yahan Apnay Siwa Koi Mulaqati Nahi Hota

Aur Ab es Bat Par Bhi Mujhse Mere Yaar ulajhtay Hain
K Main Har Baat Sun Leta Hoon Jazbati Nahi Hota

Girftar-e-Wafa, Ronay Ka Koi Aik Mousam Rakh
Jo Nala Roz Beeh nikalay Woh Barsati Nahi Hota

Tujhay Dil Mein Jaga Di Hai Nazar Se Door Kya Kartay
Jo markaz Mein Theher Jaye Woh Mazafati Nahi Hota

Bicharnay Ka Irada Ho Toh Mujhse Mashwara Karna
Muhabbat Mein Koi Bhi Faisla Zaati Nahi Hota