Suhana mosam ho aur aaye koi..

Suhana mosam ho aur aaye koi,
Sehra e dil main baras jaaye koi,

Shab o roz ulfat main cheekhta hay darya,
Aisay deewanon ko kia samjhaye koi,

Aankh khuli hay abhi gul e shaakh ki,
Bulbul say keh do geet na gaaye koi,

Kabhi saamnay aay woh khuabida chehra,
Kab tak rait par ghar banaaye koi,

Aay naseem e sehri, meray ghar say na guzarna,
Abhi aankh lagi hay, abhi na jagaye koi,

Meri fitrat main bhatakna hay,
Mujhay raah na dikhaye koi,

Yaan uljhanon main uljhay hain sabhi,
Kon sunay apni aur kia sunaaye koi,

Hawaon nay hilaya hoga tera dar “mehroom”,
Kon dastak day kionkar aaye koi..

Muhammad Ismail