Tootey dil ki raam kahani, mat poocho

Tootey dil ki raam kahani, mat poocho
Kon tha raja kon thi raani, mat poocho

Tanha tanha, chupke chupke rote hain
Pathar se kab phoota paani, mat poocho

Jab tak chaho tum bhi dera daal raho
Naam pata aur koi nishani, mat poocho

Lehje ki taseer ka yaaro kya kehna
Lafzon ki badmast rawaani, mat poocho

Sara kaleja katt jaye ga yaar nabeel
Ehad junoon ki baat purani, mat poocho