Yeh kab kehti hoon tum mere galay ka haar ho jao..

Yeh kab kehti hoon tum mere galay ka haar ho jao,
Wahin se laut jana tum jahan se bezaar ho jao,

Mulaqaton main waqfa is liye hona zaroori hai,
Ke tum ik din judayi ke liye tayaar ho jao,

Bohat jald samajh main anay lagte ho zamane ko,
Bohat aasan ho thore bohat dushwaar ho jao,

Balaa ki dhoop se aayi hoon mera haal to dekho,
Bas ab aesa karo ke tum saaya-e-deewaar ho jao,

Abhi parrhne ke din hain likh bhi lena haal-e-dil apna,
Magar likhna tabhi jab laayeq-e-izhaar ho jao..