Ab is shauq se ke jaan se guzar jana chahiye..

Ab is shauq se ke jaan se guzar jana chahiye,
Bol ae havaa-e-sheher kidhar jana chahiye,

Kab tak isi ko aakhri manzil kahen ge hum,
Kuu-e-muraad se bhi udhar jana chahiye,

Woh waqt aa geya hai ke saahil ko chorr kar,
Gehre samundron main utar jana chahiye,

Ab raftagaan ki baat nahin kaarvaan ki hai,
Jiss samt bhi ho gard-e-safar jaana chahiye,

Ya apni khawhishon ko muqaddass na jaante,
Ya khawhishon ke saath hi mar jaana chahiye..