Shab-gazeeda ke ghar naheen ati

Shab-gazeeda ke ghar..

Shabgazeeda ke ghar naheen ati
khawb main bhi sahar naheen ati

kya sunain des ki sunayen kya
koi achi khabar naheen ati

aayina dusron ki janib hai
apni surat nazar naheen ati

ap muh main zaban rakhte hain
baat karni magar naheen ati

dars dete hain woh mohabbat ka
jin ko zair o zabar naheen ati

meri qismat hai ya pachal-pheri
laut jaati hai ghar naheen ati

bin tere kuch nazar naheen ata
tujh ko atiya nazar naheen ati


send poetry

Atiya Niazi, Ghazal Shayari
February 12th, 2021

Comments are closed.

Atiya Niazi
Atiya Niazi
Poetries: 1
Separator
love shayari romantic shayari sad shayari nazam shayari