Meri zindagi main bas ek kitaab hai..

Meri zindagi main ba..

Meri zindagi main bas ek kitaab hai
ek charagh hai
ik khawb hai
aur tum ho
yeh kitab-o-khawb ke darmeyan jo manzilen hain
main chahta tha tumhare sath bassar karoon
yehi qul-asaasa-e-zindagi hai
isi ko zaad-e-safar karoon
kisi aur samt nazar karoon to meri dua main assar na ho
mere dil ke jada-e-khushkhabar pr bajuz tumhare
kabhi kisi ka guzar na ho
magar is tarah ke tumhen bhi is ki khabar na ho
isi ehtiyat main sari umar guzar gayi
woh jo aarzu thi
kitab-o-khawb ke sath tum bhi shareek ho
wohi mar gayi
isi kashmakash ne kayi sawal uthaye hain
woh sawal jin ka jawab meri kitab main hai na khawb main
mere dil ke jada-e-khushkhabar ke rafiq
tum hi batao ke yeh karobar-e-hayat kis ke hisab main
meri zindagi main bas ik kitab hai
ik charagh hai
ik khawb hai
aur tum ho..


send poetry

Iftikhar Arif, Video Shayari
December 9th, 2017

Comment here

Your Comment: