Aah ko chahiye ik umar asar hote tak..
Aah ko chahiye ik um..
![Aah ko chahiye ik umar asar hote tak..](https://cdn.ranjish.com/images/aah-ko-chahiye-ik-umar-asar-hote-tak.jpg)
Aah ko chahiye ik umar asar hote tak,
Kaun jeeta hai teri zulf ke sar hote tak,
Dam-e-har-mauj main hai halqa-e-sad-kam-e-nahang,
Dekhen kya guzre hai qatre pe guhar hote tak,
Ashiqi sabar-talab aur tamanna betab,
Dil ka kya rang karoon khoon-e-jigar hote tak,
Hum ne mana ke taghaful na karo ge lekin,
Khaak ho jayen ge hum tum ko khabar hote tak,
Yak nazar besh nahin fursat-e-hasti ghafil,
Garmi-e-bazm hai aik raqs-e-sharar hote tak,
Gham-e-hasti ka asad kis se ho juz marg ilaj,
Shama har rang main jalti hai sehar hote tak..
Designed Shayari, Mirza Ghalib
June 14th, 2017