Koi faisla to ho ke kidar jana chahiye..

Koi faisla to ho ke kidar jana chahiye,
Paani ko ab to sar se guzar jana chahiye,

Har baar erriyon pe gira hai mera lahuu,
Maqtal main ab ba-tarzz-e-digar jana chahiye,

Kya chal saken ge jin ka faqat masla yeh hai,
Jaane se pehle rakht-e-safar jana chahiye,

Jab bhi gaye azaab-e-dar-o-baaam tha wohi,
Akhir ko kitni dair se ghar jana chahiye,

Tohmat laga ke jo maaan pe dushman se daad le,
Aese sukhann-faroshh ko mar jana chahiye..