Tere ishq ki intehaa chahta hoon..

Tere ishq ki intehaa chahta hoon,
Meri saadgi dekh kya chahta hoon,

Sitam ho ke ho vaada-e-be-hijaabi,
Koi baat sabar-aazmaa chahta hoon,

Yeh jannat mubarak rahe zahidon ko,
Ke main aap ka saamna chahta hoon,

Zara sa to dil hoon magar shokh itna,
Wohi lan-taraani sunaa chahta hoon,

Koi dum ka mehmaan hon ehl-e-mehfil,
Charaagh-e-sehar hoon bhujaa chahta hoon,

Bharii bazm main raaz ki baat keh di,
Bara be-adab hoon sazaa chahta hoon..