Ghul si gayi ruuh me udaasi..

Ghul si gayi ruuh me udaasi,
Raas aayi na ham ko khud-shanaasi,

Hr morr pe be-kashish kharri hai,
Ik khush-badani o kam-libaasi,

Laalach me paron ke pairr chuutte,
Ab rakht-e-safar hai be-asaasi,

Nafss-e-mazmuun issi me hai go,
Mazmuun0e0nafas hai iqtibaasi,

Aayi bhi to kya nigaar-e-tabeer,
Orrhe huye khawb ki ridaa si,

Jaadu sa alam ka kar gayi “saaz”,
Un aankhon ki multafit usaasii..