sahraa na de mujhe kabhi daryaa na de mujhe

sahraa na de mujhe k..

sehraa na de mujhe kabhi daryaa na de mujhe
kuch bhi woh shakhss hasb-e-tamanna na de mujhe

jane laga hoon samne se us ke uTh ke main
par dil main hai woh rok le rasta na de mujhe

main aakhri hoon apne qabeele ka aadmi
tu maslehat ki oTt main marwa na de mujhe

ae rab-e-khawb chashm-e-takhayur ki khair ho
jo khawb de hai khawb ka chehra na de mujhe

Comments are closed.