hamare gaaon ke college main kya paRrhati hai
hamare gaaon ke coll..
hamare gaaon ke college main kya paRrhati hai
woh khud ko sab se baRri aalima batati hai
ajeeb tarah ki laRrki hai yeh mohabbat bhi
ke baat sunti naheen aur bole jati hai
kisi ne hum se kaha us ka naam khushbu hai
jo phool bechne gaaon se sheher aati hai
ghulam jaag rahe hain yeh dekhne ke liye
ke shahzadi kise takht pe sulati hai
jo bhoolna hai to phir bhool kar dikha bhi mujhe
yeh roz kya tu mujhe phone par sunaati hai
hamare sheher main aesi bhi aik laRrki hai
jo dekh sakti naheen dekhna sikhati hai
zara si baat pe itni laRrayi theek naheen
nashe main achi buri baat ho bhi jati hai
Ghazal Shayari, Imran Aami
March 2nd, 2021