charaagh jalne lage to hawaa nahin deta

charaagh jalne lage ..

charaagh jalne lage to hawaa nahin deta

charaagh jalne lage to hawaa nahin deta
faqeer hoon main kabhi baddua nahin deta

to kya isi liye duniya nahin tawazun main
woh jurm dekh ke foran sazaa nahin deta

zaroor lutf ka pehlu hai mere jalne main
wagarna uth ke mujhe woh bhujha nahin deta

tu aik bar to kehta ke kash aesa ho
main asmaan zameen se mila nahin deta

yeh kitna waazeh ishara hai bakht Ddhalne ka
main bheek doon to bhikari dua nahin deta

main khaali hath kabhi lauT-ta nahin miqdad
mujhe khushi ke elawa woh kya nahin deta


send poetry

Designed Shayari, Ghazal Shayari, Miqdad Ahsan
November 28th, 2021

Comments are closed.

Miqdad Ahsan
Miqdad Ahsan
Poetries: 4
Separator
love shayari romantic shayari sad shayari nazam shayari