kar loon ga jama daulat o zar, us ke baad kya

kar loon ga jama dau..

kar loon ga jama daulat o zar, us ke baad kya

kar loon ga jama daulat o zar, us ke baad kya ?
le loon ga shandaar sa ghar, , us ke baad kya ?

mai ki talab jo hogi to ban jaon ga main rind
kar loon ga maikadon ka safar, us ke baad kya ?

hoga jo shauq husn se raaz o niaz ka
kar loon ga gesuyon main sahar, us ke baad kya ?

sher o sukhan ki khoob sajaon ga mehfil-en
duniya main ho ga naam magar, us ke baad kya ?

mauj aye gi to saare jahan ki karoon ga sair
wapis wohi purana nagar, us ke baad kya ?

ik roz maut zeest ka dar khaTkhaTaye gi
bujh jaye ga charagh e qamar, us ke baad kya ?

uthi thi khaak, khaak se mil jaye gi wahin
phir us ke baad kis ko khabar, us ke baad kya ?


send poetry

Designed Shayari, Ghazal Shayari, Qamar Jalalabadi
April 13th, 2021

Comments are closed.

Qamar Jalalabadi
Qamar Jalalabadi
Poetries: 2
Separator
love shayari romantic shayari sad shayari nazam shayari