Qamar Jalalabadi

Ranjish.com has lots of Urdu Qamar Jalalabadi Poetry. Feel free to add your own Qamar Jalalabadi Shayari here.

Qamar Jalalabadi Collection

Qamar Jalalabadi is a prominent Urdu poet and lyricist from Punjab, Pakistan. He died in the year 2003.
Lets read and enjoy the legacy Qamar Jalalabadi has left behind for all the literature loving audience.

Qamar Jalalabadi Poetry



kar loon ga jama daulat o zar, us ke baad kya

Qamar Jalalabadi

kar loon ga jama daulat o zar, us ke baad kya ?
le loon ga shandaar sa ghar, , us ke baad kya ?

mai ki talab jo hogi to ban jaon ga main rind
kar loon ga maikadon ka safar, us ke baad kya ?

hoga jo shauq husn se raaz o niaz ka
kar loon ga gesuyon main sahar, us ke baad kya ?

sher o sukhan ki khoob sajaon ga mehfil-en
duniya main ho ga naam magar, us ke baad kya ?

mauj aye gi to saare jahan ki karoon ga sair
wapis wohi purana nagar, us ke baad kya ?

ik roz maut zeest ka dar khaTkhaTaye gi
bujh jaye ga charagh e qamar, us ke baad kya ?

uthi thi khaak, khaak se mil jaye gi wahin
phir us ke baad kis ko khabar, us ke baad kya ?



tere khawbon main mohabbat ki duhaayi doon ga

Qamar Jalalabadi

tere khawbon main mohabbat ki duhaayi doon ga
jab koi aur na ho ga to dikhayi doon ga

meri duniya main faqat aik khuda kaafi hai
dosto kitne khudaon ko khudayi doon ga

koi insan nazar aye to bulao us ko
use is daur main jeene pe badhaayi doon ga

dekh loon apne girebaaan hi main mu daal ke main
apne halaat pe kis kis ki buraayi doon ga

tum agar choRr gaye mujh ko to yun taRrpoon ga
sari duniya ko gham o dard judayi doon ga

teri hi rooh ka naghma hoon agar miTt bhi gaya
main tujhe dusri duniya se sunayi doon ga


Advertisements

We update our poetry database on daily basis so keep coming back for more Qamar Jalalabadi.



love shayari romantic shayari sad shayari nazam shayari