dekh kar bilkul naheen lagta ke itne door hain

dekh kar bilkul naheen lagta ke itne door hain
waise hum aik dusre se ache khaase door hain

phaRrphaRrane ki ijazat bhi naheen di ja rahi
paiRr par bethe huye lagta tha pinjre door hain

dard ka ehsas hota hai bohat si dair baad
teer lagta hai yahan par aur girte door hain

dosti main bhool mat jana purani dushmani
baad main nazdeek hain hum log pehle door hain

mil ke maapain ge kisi din darmeyani fasla
ta ke kuch maloom ho paye ke kitne door hain