samajh bhi aate hain lafzon ko saada bolta hoon

samajh bhi aate hain..

samajh bhi aate hain lafzon ko saada bolta hoon
ghuTtan main reh kar bhi kitna kushaada bolta hoon

sabbab yeh hai ke kisi ne naheen suni meri
isi liye to main tujh se zeyada bolta hoon

main ehad toRrta hoon us se be-kalaami ka
woh aik baar bula le to vaada bolta hoon

yaqeen karo ke mujhe bolne ka shauq naheen
tumhare sath yunhi beirada bolta hoon

kare ga yaad ke kaisa sahii mila tujh ko
bhikari ja main tujhe shahzada bolta hoon

mujhe pata hai ke phir is ke baad kya hoga
isi liye to shajar ko barada bolta hoon


send poetry

Danish Naqvi, Ghazal Shayari, Latest Shayari
February 21st, 2021

Comments are closed.

Danish Naqvi
Danish Naqvi
Poetries: 6
Separator
love shayari romantic shayari sad shayari nazam shayari