mushkil din bhi aye lekin farq na aya yaari main
mushkil din bhi aye ..
mushkil din bhi aye lekin farq na aya yaari main
hum ne puri jaan lagayi us ki taabedari main
beimaani karte to phir shayad jeet ke aa jate
chahe haar ke wapis aaye, khaile apni baari main
meethe meethe hont hilaye kaRrwi kaRrwi baatain ki,
keekar aur gulab lagaye us ne aik kayari main
teri janib uthne wali ankhon ka rukh moRr liya
hum ne pane aeb dikhaye teri pardadari main
jaane ab woh kis ke sath nikalta ho ga raton ko
jaane kon lagata hoga do ghante tayari main
Danish Naqvi, Ghazal Shayari
February 20th, 2021