Mahol munasib ho to upar naheen jate

Mahol munasib ho to ..

Mahol munasib ho to upar naheen jate
hum taza ghuttan choRr ke chhat par naheen jate

dekho mujhe ab meri jagah se na hilana
phir tum mujhe tarteeb se rakh kar naheen jate

badnaam hain sadiyon se in kanton ki wajah se
aadat se magar aaj bhi keekar naheen jate

jis din se shikaari se adaa ki koi mannat
darbaar pe us din se kabootar naheen jate

sau tum mujhe hairat-zada ankhon se na dekho
kuch log sambhal jaate hain sab mar naheen jate


send poetry

Danish Naqvi, Ghazal Shayari
February 19th, 2021

Comments are closed.

Danish Naqvi
Danish Naqvi
Poetries: 5
Separator
love shayari romantic shayari sad shayari nazam shayari