ghar ki tameer ki bunyaad se pehchante hain

ghar ki tameer ki bunyaad se pehchante hain
log mujh ko dil e barbaad se pehchante hain

naam tabdeel karo shakal badal lao bhale
hum to har zeher ko ajdaad se pehchante hain

dusron ke liye woh log maseeha hon ge
hum jinhe maut ki ijaad se pehchante hain

kitna yakta hai faqeeri main taaruf mera
log mujh ko meri faryaad se pehchante hain