imaan se batlayen to kya kuch nahin kehti

imaan se batlayen to kya kuch nahin kehti
kehne ko humen khalq e khuda kuch nahin kehti

karti hai faqat mayal awargi hum ko
mu se to kabhi ghar ki fizaa kuch nahin kehti

har moRr pe kehti hai mujhe meri sharafat
kya tujh ko zamane ki hawa kuch nahin kehti

main hoon ke usse kosta phirta hoon shab o roz
woh hai ke sar -e- farsh -e- azaa kuch nahin kehti

badzan to nahin hum se kahin gardish e doraan
kyun tanz o malamat main naya kuch nahin kehti