Uske Khat me Mere hi khat ke tukre they,
Aur Mujhe laga, Mere khat ka jawab aaya hai..

Teri Nigaah Bhi Iss Daur Ki Zakaat Hui….
Jo Mustahiq Hai Ussi Tak Naheen Pohanch pati …

Mein Zamana Mein Badnaam Faqat Es Liya Hoon . . .
Mujhay Logon Ki Tarah Badal Jana Nahi Aata . . . !!

Woh lamha bhi bhaari tha, Yeh lamha bhi bhaari hai,
Us ishq mein khuwari thi, Is ishq mein khuwari hai,

Us ne tou bhulaya tha, Hum ne bhi bhula daala,
Woh zakhm bhi kaari tha, yeh zakhm bhi kaari hai,

Tab ishq mein rotey they, Ab ishq pe hanstey hain,
Kya kaar-guzari thi, Kya kaar-guzari hai,

Ik rakss mein thi dunya, Ik rakss mein hai dunya,
Paisa hi madaari tha, paisa hi madaari hai,

Kaisa hai Tagh-yur hai, Kuch fark nahin jis mein,
Ik shakhss ki baari thi, Ik shakhs ki baari hai,

Ik ‘Saad’ ghazal kehna, ik kurb mein hai rehna,
Ik zulf sanwaari thi, Ik zulf sanwaari hai…

(Bhaari:Difficult,Tough times to spend)(Kaar-guzari:Act)(Kurb:Be with)(Tagh-yur:Thought)

Khud-kushi aaj na kar, mumkin hai
Kal ka din aaj se behter aaye…

Unse milne ko jo sochon ab wo zamana nhi
Ghar bhi kaise jaun ab to koi bahana nahi,,
Mujhe yaad rakhna kahi tum bhola na dena
Mana ke barson se teri gali me anajana nhi,,

Agar saza dy hi chukay ho tou hall na pochhna,
Hum agar begunah niklay tou tumhe afsoos hoga..

Wo aik khat jo tu ne kabhi likha hee nahi,
Main roz beth k uss ka jawab likhta hoon….

Tum apni aankhon main ghum k budlay shararton ko saja k rakhna
Kabhi jo aansoo nikal parain tau anna ke khhatir chhupa k rakhna

Na dil dukhana kabhi tum apna udaas raaton ke chaandni saiy
Sambhal rakhna tum apni saansain udasiyun ko mita k rakhna

Kehin ye furqat ke seeyah raatain tumharay ghar main na phail jaaien
Jo bujh gaaiy hain charagh saray unhi ko phir saiy jala k rakhna

Na apnay aanchal k sub rungoan ko safaid karna seeyah karna
Abhi tau jeewan ke rut jawan hay osi ko dil main basa k rakhna

Ajab nehi hay jo kal na budlay isi jahan main naseeb tera
Khushi k lumhon ke ass rakhna khushi saiy chehra saja k rakhna

Jahan main phirtay hain hum akailay tumhi naiy khoya nehi kisi ko
Tum apni halat ka khayal rakhna ore gaisoowon ko bana k rakhna

Na aana baaton main dushmano ke jo hogaya hay wo hogaya hay
Bas sooch apni blund rakhna nigahain apni jhoka k rakhna

Abhi saiy shaukat chhalak raha hay ghumon saiy paimana kyun tumhara
Wo teri soochon main gar hay shamil tujhay hay oska khayal rakhna

By Shaukat Ali Khan

Mere din raat mushkil mai hain,sakoon ek pal nahi mujh ko.
Mohabbat tarss kha mujh per, Mohabbat chor jaa mujh ko..!!