Ghazal Shayari
Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.Ghazal Shayari Collection
Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.
Bheer main chaaron taraf chehre anjane mile
Ghazal Shayari
Bheer main chaaron taraf chehre anjane mile
Mere apne aaj mujh se ban ke begane mile
Tha bharosa doston par itna ke mujh se na pooch
Jin ke hathon main they pathar log pehchane mile
Ban ke marham waqt hi bharta hai har ek zakham ko
Jesey jese waqt beeta zakham purane mile
Kis ke aagay rotay or sunate apni dastaan
Basti thi ujri hui sunsaan thikane mile
Ab na maangen ge Illahi zindagi ki bheekh hum
Ishq main shamma ki yeh kehte hue parwane mile
Dil diya tha naaz se jis jis ne apni jaan ko
Chund tootay dil ke tukray unko nazrane mile
Maazi ki yaad main sab doobay hue thay is qadar
Khawab tere shehar ke sab log deewane mile
Mere Baaray Mein Badi Raaye Ghalat Thee Oski
Ghazal Shayari
Mere Baaray Mein Badi Raaye Ghalat Thee Oski,
Jaanay Wo Mere Tasawwur Mein Mila Kis Se Tha ?
Jaanay Ta Umer Ose Kis Ne Akaila Rakha
Jaanay Os Shaks Ka Paimaan-e-Wafa Kis Se Tha ?
Wo Agar Door Tha Mujh Se Tou Thee Qurbat Kis Se ?
Wo Mere Paas Agar Tha Tou Juda Kis Se Tha ?
ehen Mein Oske Khirkian Thee Bohat
Ghazal Shayari
Zehen Mein Oske Khirkian Thee Bohat
Per Fizaon Mein Aandhian Thee Bohat
Wo Kisi Tour Bhee Na Khul Paaya
Meri Baaton Mein Chaabian Thee Bohat
Muskurati Theen Saari Deewaarain
Aur Ghar Mein Udaasian Thee Bohat
Teri Seerat Pasand Thee Warna
Teri Soorat Ki Larkian Thee Bohat
Khamooshi Oski Jaan Lewa Thee
Aur Baaton Mein Talkhiaan Thee Bohat
Bas Nigaahon Mein Gir Gaya Azar
Warna Os Mein Bhee Khoobyan Thee Bohat
Tayray Hijar Main Aj Phir Sogwar Sa Baitha Hoon
Ghazal Shayari
Tayray Hijar Main Aj Phir Sogwar Sa Baitha Hoon
Tayrii Yaad Main Jaltay Huway Bhi Bujha Baitha Hoon
Zeest Ka Safar Najanay Kaab Khatam Ho Mayra
Shab-E-Tanhai Main Aj Phir Tayra Qisa Liyay Baitha Hoon
Bohot Dur Tu Chala Gaya Hi Phir Bhi Main
Tayray Hi Khayaloon Main Uljha Suljha Baitha Hoon
Najanay Kab Aay Ga Woh Tujh Say Milan Ka Din Ajnabi
Isi Soch Main Ab Khud Say Kinara Kiyay Baitha Hoon
Mat pouch kis tarah ka tha kaisa laga mujay
Ghazal Shayari
Mat pouch kis tarah ka tha kaisa laga mujay
Jaisa tha jis tarah ka tha acha laga mujay
Banjer howa hy zehan tu dil sogwar hy
kis ko laga hy rog ye, jaisa laga mujay
Parwrda,e fareib-e-nazar tha issi liye
Haton mai tera hath b dhoka laga mujay
Aqs-e-wisal-e-yaar jo aujal huwa tu phir
Rang-e-rukh-e-bahaar b phika laga mujay
Har aik cheez yun tery paikr mein dhall gai
Har aik cheez pr tyra saya laga mujay
Ik justju ka rai’gan hone ko hey mager
Ik rabta k aur b ghehra laga mujay
Pighla ye jisam lamss ki hid’dat sy aaj b
wo mery pass hy Aisa laga mujay
Humne To Banaye Hain Samundar Me Bhi Raste
Ghazal Shayari
Humne To Banaye Hain Samundar Me Bhi Raste,
Yun Humko Mitana Koi Asan Nahi Hai. .
Do Char Ummidon Ke Diye Ab Bhi Hain Roshan,
Maazi Ki Haweli Abhi Veeran Nahi Hai. .
Mai Teri Mohabbat Me Giraftar Hu Lekin,
Tujhko Mai Khuda Samjhu Ye Imkan Nahi Hai. .
Hain Ye Mere ash’ar Mere Ahad Ki Tasveer,
Ghalib Ki Ghazal Meer Ka Deewan Nahi Hai. .
Intezaar Na Karna
Ghazal Shayari
Ye saal mahinay din shumaar na karna
Bai ja dil-e-muztarib pay waar na karna
Wo keh gaya thha waqt-e-rukhsat ye bhe
Kisi musaafir ka aitebaar na karna
Na mujhay yaad dilana na mujhay yaad aana
Apni berbaad haseraton ka izhaar na karna
Sufer-e-hayaat main apnay leye tum chun laina
Koe bhe gosha-e-makan per intezaar na karna
Dawa-e-dil k leye kaafi thha os ka ye kehna
Apni hasti kee hudon ko paar na karna
Saza k taur pay kaatna ye zindagi apni
Wafa bai mole bhe milay tau payar na karna
Zakhmon ko apnay see laina tanhaiye main baith kar shaukat
Ore iss saee main saal mahinay din shumaar na karna
(Shumaar:Count)(Haseraton:Wishes)(Sufer-e-hayaat:Journey of life)(Dawa:Claim)(Mole:Worth)
by Shaukat Ali Khan
Nazar me ZuLmat badan main thandak
Ghazal Shayari
Nazar me ZuLmat badan main thandak
Jamal kitna ajeeb sa tha,
Mian us ki chahat me ghar se nilka tu
Haal kitna ajeeb sa Tha,
Na main ney osay khatoot likhe
na os ney meri panah chahi,
dono ko apni bey khudi pe
malal kitna ajeeb sa tha,
wo apni raton me chand dekhe
main apni raton main os ko souchon,
badalte lamhon me souch ka yeh
visaal kitna ajeeb sa tha,
safar akelay he kaat lo gey
main ne poucha tu ro diya wo,
jawab kitna ajeeb sa tha
sawal kitna ajeeb sa tha !!
Dekh lena ke kisi dukh ki kahani to nahin
Ghazal Shayari
Dekh lena ke kisi dukh ki kahani to nahin,
Yeh jo aansuu hain kahin us ki nishani to nahin,
Dikh rahi hai jo mujhe saaf teri aankhon mein,
Tu ne yeh baat kahin mujhse chupani to nahin,
Jis tarah sheher se nikla hoon mein beemar tera,
Yeh ujaRrna hai koi nakal-makaani to nahin,
Yeh jo har morr pe aa milti hai mujhse farhat,
Badnaseebi bhi kahin meri deewani to nahin..
Mujh Say Itnay “Qareeb” ho Jao!
Ghazal Shayari
Mujh Say Itnay “Qareeb” ho Jao ….!
Udaas Shab Ki “Saleeb” ho Jao ….!
Meri Baanhon Ko Sonp Do Sab Kuch….!
Meri Khatir “Ghareeb” Ho Jao….!
Mujh Mein Utro Meray Lahu Ki Tarhan….!
Meri Rooh Kay “Raqeeb” Ho Jao….!
Tum Jo Chu Lo Toh Dard Ghat Jaye….!
Aao Meray “Tabeeb” Ho Jao….!
Kuch Na Bolo Magar Kaho Sab Kuch….!
Aaj Aisay “Khateeb” Ho Jao….!
Advertisements
We update our poetry database on daily basis so keep coming back for more Ghazal Shayari.