SMS Shayari

khasosiyat nahi kuch is mein aye kalim teri!
Shajar,hijar bhi khuda sey kalam kertay hein…

Khabar nahi wo meray humsafar kahan pohanchey ..
key rah-guzar to meray sath hi lipat aai…

Kaha mein ney
Mujhey tum sey muhabbat hai
Magar tum ney saholat sey kaha hans ker
Zara tum ‘hai’ badal dalo
Likho key ‘thi’
Sahi misrah liko jana’n
Tumh’ein mujh sey muhabbat thi
Suno, jazbey kabhi is qadar mehmal nahi hotey
Ye jazbey jo kabhi nadi ki sorat mein
Kabhi dariya ki tughyani sey hotey hein
Magar ye is qadar asa’n nahi hotey hein
Ye ‘hai’ hotey hein jis lamhey faqat asbat hotey hein
Ager ye ‘tha’ ka mani ban gaye to phir kabhi ye hal ka segha nahi bantey
Magar tum kesay samjho gey magar tum kesay jano gey?
Ye jaz’on ki baat’ein hein
Ajab jazb’on ki baat’ein hein

Khayal hi nahi ata teray aney ka..
Kuch is khalos sey hum mehaw-e-intezar hein.!

Khoon-e-dil penay ko lakht-e-jigar khaney ko..
Ye ghiza milti hai laila teray dewaney ko.!

Khawahish hi rahi apni
Ik bar kabhi pocho
Kia mujh sey muhabbat hai?
Kiya mujh sey muhabbat hai?
Tab dheray sey mein bol’on
Lahasil baat’ein hein
Haan’ keh key mein kiun jana’n!
Dhundla doun nigah’on ko
Dobhar ho sambhalna phir
Kabo mein phir dil na aye aur dharkan tham jaye
Inkar ki sorat mein
Imkan hai jee pa’on
Thori si tasali ho
Pehlay ki tarha ab bhi
Khawahish hi rahi apni
Ik bar kabhi pocho……khawahish hi rahi apni!!

Khalaq ki be-kahbri hai ya meri ruswai.!!
Log mujh ko hi sunatey hein fasaney meray..

Kahani nit naye andaz rakhti hai
Kabhi to muskurati hai, kabhi gungunatihai
Kabhi khod seham jati hai, kabhi hum ko darati hai
Hansati hai, rulati hai, mitati hai, banati hai
Kahani be-kali mein kaam ati hai
Kahani sey mera sanjog khasa hi prana hai
Kahani khod zamana hai
Wo aaj ai to khasi muztarib si thi
Kaha is ney, Sakhi! Saasi ki sorat tu do thal’on mein rul gai kesay?
Teray pair’on mein khar’on ney hazar’on ched ker daley
Inhi khar’on ney tera dil fagara hai
Magar tu aaj bhi chup hai
Teray hath’on ki sari ungli’on pey mout likhi hai
Hatheli pey jo tu ney deep rakha tha wo jal ker bojh gaya kab sey?
Faqat ab rakh baki hai
Musafir rast’on ki qaid mein gum ho gaya shayad
Jabhi to hu ka alam hai
Kahani roz ati hai,
Kahani azmati hai

Khafa agerchey hamesha hoay magar ab..
Wo barhami hai key hum sey inh’ein gilay bhi nahi.!!

Khursheed nahi’n zara na cheez hein phir bhi!!
Tabinda,sar-e-rahguzar hein, hum’ein dekho…