SMS Shayari

Muhabbat khas log’on key liye
Khas tohfa hai gulab’on ki hai mehka’hat to muskurahat kali ki hai
Agar ye gul ki sorat hai to narmahat kali ki hai
Ye bhanwrey ki hai bebaki to gabrahat kali ki hai
Hawa’on ki hai khamoshi to ye ah’hat kali ki hai
Hai chanda ki jhalak is mein
Sitar’on ki chamak bhi hai
Kabhi soraj ki garmi si
Saba ki si dhanak bhi hai
Muhabbat khas log’on key liye
Khas tohfa hai

Jab koi shokh si bad-e-saba chalti hai..
Teri yaad’on key chaman raz mehak jatey hein..!

Jatey hoay kehtay ho qayamat mein mil’ein gay..!!
Kiya khoob qayamat ka hai goya koi din aur..

Jheel achi, kanwal acha key jam acha hai!
Teri ankh’on key liye kon sa nam acha hai..

Dharkan dil ki teez hoti hai
Palk’ein dekho,jhok si gai hein
Hont gulabi laraz rahey hein
Rangat tap ker surkh hoi hai
Ye kia tum ney mujh sey kaha hai?
Tum meri ho…sirf meri ho
Dil kehta hai tum sey kah’on mein
Meri sama’at mein ras gholo
Phir sey tum izhar karo na
Tum ho meri…sirf meri ho
Phir sey kaho na

Jam-e-may penay sey pehlay mera je chahta hai..
Bikhri zulf’on ki ghata’on sey lipat ker ro’on

Adhorey khawab key andar
Kabhi palk’ein bichana mat
Adhorey khawab ankh’on ko bohat takleef detay hein
Adhori yaad ko dil ki zameen mein tum nahi bona
Adhori yaad dharkan mein bohat chubti, sisakti hai
Khalish ban ker khatakti hai
Laho mein bijli’yan ban ker bhatakti hai
Adhorey piyar ko…lekin chalo janey do is ko tum
Muhabbat, piyar, chahat, ishq hotey hi adhorey hein

Jazba-e-ehsas barh jata hai warna admi..
Pathar’on ki kokh sey hargiz janam leta nahi…

Jaha’n bhi kashti’yan hum ney pani mein uteri..
Safar sey munharif honay ka farman pohancha..!!

Is ney pocha
Kin shart’on pey piyar karo gey?
Sath raho gey
Mein ney kaha
Piyar mein shart’ein kab hoti hein
Han ik choti si khawahish hai
Mujh sey ho sanjog tumhara kuch aisa
Jesay beej, gulab aur khushbo ka
Jesay ankh ki putli sey hai benai ka
Jesay dil ki dharkan sey hai judai ka