Send Mohsin Naqvi
Advertisements
Mohsin Naqvi
Welcome to the largest collection of Mohsin Naqvi. You can send these Mohsin Naqvi to Pakistan Send these mobile Mohsin Naqvi message to your friends and enjoy.Hijr ki raat
Mohsin Naqvi
Dil ne tanha jhaili raat
Hijr ki raat, sahaili raat
Din waale kab boojh sake
Mushkil shaam pahaili raat
…
Ik safe ki tashreehein
Chand, chakor,chanbaili, raat
Din apne har dard ka dost
Is ki aik sahaili raat
Ik sunsaan nagar har saans
Ik weeraan hawaili raat
Is ka roop har kie dhoop
Meri sard hathaili raat
Is ki aankh se chalke shaam
Us ki zulf se khaili raat
Mohsin ke anjaam ke naam
Hijr ki naii nawaili raat……..!!
Dil-e-gareeb
Mohsin Naqvi
Mohsin dil-e-gareeb ki wairaniya’n to daikh
kaisa nagar tha jo tere hatho’n ujar gaya..
wo zakhm
Mohsin Naqvi
uss ko ghilaaf-e-rooh mein rakha, sambhal ker
MOHSIN wo zakhm bhi to kisi aashna ka tha…
Itni muddat baad
Mohsin Naqvi
Itni muddat baad mile ho!
Kin sochon main gum rehte ho?
Itne khayef kyon rehte ho?
Her aahat se darr jaate ho
Taiz hawa ne mujh se poocha
Rait pe kya likhte rehte ho?
Kaash koi humse bhi pooche
Raat gaye tuk kyon jaage ho?
Main darya se bhi darta hoon
Tum darya se bhi gehre ho!
Koun si baat hai tum main aisi
Itne ache kyon lagte ho?
Peeche mur ker kyon dekha tha
Patthar ban ker kya takte ho?
Jaao jeet ka jashan manaao!
Main jhoota hoon, tum suche ho
Apne sheher ke sub logon se
Meri khatir kyon uljhe ho?
kehne ko rehte ho dil main!
Phir bhi kitne door khare ho
Raat humain kuch yaad nahin tha
Raat bohot hi yaad aaye ho
Humse na poocho hijr ke qisse
Apni kaho ab tum kaise ho?
Mohsin tum badnaam bohot ho
Jaise ho, phir bhi ache ho
Tujhey chaha
Mohsin Naqvi
main ne is tor se tujhey chaha aksar
jaisey mehtab ko be ant samandar chahey
jaisey sooraj ki kiran seap k dil main utrey
jaisey khoshbo ko hawa rang se hat kar chahay
jaisey pathar k kalejy se kiran photti hay
jaisey ghunchay khiley mousam se hina mangtey hain
jaisey khoabon main khayalon ki kaman totti hay
jaisey barish ki doa aabla pa mangtey hain
mera har khoab merey sach ki gawahi de ga
wosat_e_deed ne tujh se teri khahish ki hay
meri soochoon main kabhi dekh sarapa apna
main ne dunya se alag teri parasthis ki hay
Kaash Aa Jaye
Mohsin Naqvi
Kaash Aa Jaye Vo Mujhy Jaan Se Guzarty Dekhy
Us Ki Khawahish Thi Kabhi Mujh Ko Bikharty Dekhy
Vo Saleeqy Se Hua Hum Se Gurezan Warna
Log To Saaf Mohabat Se Mukarty Dekhy
…
Waqat Hota Hai Her Ek Zakham Ka Marham Mohsin
Phir Bhi Kuch Zakham Thy Asy Jo Na Bharty Dekhy……!!
Bicharty Waqat Se
Mohsin Naqvi
Bicharty Waqat Se Ab Tak Main Youn Nhi Roya
Vo Keh Gaya Tha,Yehi Waqat Imtehan Ka Hai
Ye Or Bat, K Adalat Hai Be-Khabar Warna
Tamam Sheher Main Charcha Mere Beyan Ka Hai
…
Asar Dikha Na Saka Us K Dil Main Ashk Mera
Ye Teer Bhi Kisi Tooti Hoi Kaman Ka Hai
Bichar Bhi Jaye Magar Mujh Se Be-Khabar bhi Rahy
Ye Hosla Hi Kahan Mere Bad-Guman Ka Hai
Qafas To Khair Muqadar Main Tha Magar Mohsin
Hawa Main Shor Abhi Tak Meri Uran Ka Hai…….!!
Misal e rang wo jhonka
Mohsin Naqvi
tere badan se jo chhoo kr idhar bhi ata hai
misal e rang wo jhonka nazar bhi ata hai
tamam shab jahan jalta hai ik udaas diya
hawa ki raah me ik aisa ghar bhi ata hai
wo mujhko toot k chahay ga , chhor jaye ga
…mujhe khabar thi usse ye hunar bhi ata hai
ujaar bann me utarta hai ik jugnoo bhi
hawaa k sath koi hamsafar bhi ata hai
wafa ki kon c manzil pe usne chora tha
k wo to yad humain bhul kar bhi ata hai
jahan lahu k samandar ki hadd theherti hai
waheen jazeera lal o guhar bbhi ata hai
chalay jo zikar farishto ki parsaayi ka
to zer e behes maqaam e bashar b ata haii
abhi sinaan ko sambhalay rahain adoo mere
k in safon me kaheen mera sarrr b ata hai
kabhi kabhi mujhe milnay bulandiyo se koi
shuwaa e subh ki soorat utar b ataa hai
esi liye me kisi shab na so saka mohsin
wo maahtaab kabhi baaam per b ataa hai
Mere Lafzon Main
Mohsin Naqvi
Mere Huroofon Mere Lafzon Main Hai Chehra Mera
Mera Fun Ab Mera Mazhab Mera Emaan Bhi Hai
Meer O Ghalib Na Sahi’ Phir Bhi Ghanimat Jano
Mere Yaaron K Sarhany Mera Diwaan Bhi Hai…..!!
Abhi Kamsin ho
Mohsin Naqvi
Abhi Kamsin ho, Rehne do, Kahien kho do gi Dill mera
Tumhare he liye rakha ha, Ley jaana Jawaan ho kar…..!!!
Reply
…Na Kamsin hon, na Naadan hon, Muhobbat ko samajhti hon
Tumhara kya Bharosa ha, Mukar jaao Jawaan ho kar…..!!!
Advertisements
We update our poetry database on daily basis so keep coming back for more Mohsin Naqvi.