Akhlaq Mohammad Khan Shahryar

Ranjish.com has lots of Urdu Akhlaq Mohammad Khan Shahryar Poetry. Feel free to add your own Akhlaq Mohammad Khan Shahryar Shayari here.

Akhlaq Mohammad Khan Shahryar Collection

Akhlaq Mohammad Khan Shahryar Akhlaq Mohammad Khan Shahryar
1936-2012

Akhlaq Mohammad Khan was also known as Shahryar. He was an educator, poet and a lyricist from Aligarh, India.
Find beautiful poetry by Shahryar at Ranjish.com



Kaun si baat hai jo us main nahin..

Akhlaq Mohammad Khan Shahryar

Kaun si baat hai jo us main nahin,
Us ko dekhe meri nazar se koi..



Aese hijr ke mausam kab kab atey hain..

Akhlaq Mohammad Khan Shahryar

Aese hijr ke mausam kab kab atey hain,
Tere elawa yaad humen sab atey hain..



Seene main jalan ankhon main tufaan sa kyun hai..

Akhlaq Mohammad Khan Shahryar

Is sheher main har shakss pareshan sa kyun hai

Seene main jalan ankhon main tufaan sa kyun hai,
Iss sheher main har shakss pareshaan sa kyun hai,

Dil hai to dharrakne ka bahaana koi dhoondhe,
Pathar ki tarah be-hiss o be-jaan sa kyun hai,

Tanhaayi ki yeh kaun si manzil hai rafiqo,
Ta hadh-e-nazar ek bayabaan sa kyuun hai,

Hum ne to koi baat nikaali nahin gham ki,
Woh zuud-pashemaan pashemaan sa kyun hai,

Kya koi naii baat nazar aati hai hum main,
Aayina hamen dekh ke hairaan sa kyun hai..

سینے میں جلن آنکھوں میں طوفان سا کیوں ہے



Aise hijr ke mausam kab kab aatay hain..

Akhlaq Mohammad Khan Shahryar

Aise hijr ke mausam kab kab aatay hain,
Tere ilaawa yaad humen sab aatay hain..



Tere vaadon ko kabhi jhoot nahin samjhoon ga..

Akhlaq Mohammad Khan Shahryar

shahryar poetry

Tere vaadon ko kabhi jhoot nahin samjhoon ga,
Aaj ki raat bhi darwaza khula rakhoon ga,

Dekhne ke liye ik chehra bohat hota hai,
Aankh jab tak hai tujhe sirf tujhe dekhoon ga,

Meri tanhayi ki ruswayi ki manzil aayi,
Vasl ke lamhe se main hijr ki shab badloon ga,

Shaam hote hi khuli sarrkon ki yaad ati hai,
Sochta roz hoon main ghar se nahin nikloon ga,

Taa-kay mehfooz rahe mere qalam ki hurmat,
Sach mujhe likhna hai main husn ko sach likhoon ga..



Yeh kya jagah hai dosto yeh kaun sa dayaar hai..

Akhlaq Mohammad Khan Shahryar

Yeh kya jagah hai dosto yeh kaun sa dayaar hai,
Hadh-e-nigaah tak jahan ghubaar hi ghubaar hai,

Har ek jism ruuh ke azaab se nidhaal hai,
Har ek aankh shabnami har ek dil figaar hai,

Hamen to apne dil ki dharrknon pe bhi yaqeen nahin,
Khosha woh log jin ko doosron pe aitbaar hai,

Na jis ka naam hai koi na jiss ki shakal hai koi,
Ek aisi shai ka kyun hamen azzal se intizaar hai..



Aandhii ki zadd main sham-e-tamanna jalaayi jaye..

Akhlaq Mohammad Khan Shahryar

Aandhii ki zadd main sham-e-tamanna jalaayi jaye,
Jis tarah bhi ho laaj junoon ki bachaayi jaye,

Be-aab o be-giyaah hai yeh dil ka dasht bhi,
Ik nehr aansuyon ki yahan bhi bahaayi jaye,

Aajiz hain apne taala-e-bedaar se bohat,
Har raat hum ko koi kahaani sunaayi jaaye,

Sab kuch badal geya hai magar log hain ba-zid,
Mehtaab hi main suurat-e-janaan dikhaayi jaye,

Kuch saagharon main zehr hai kuch main sharaab hai,
Yeh masla hai tishnagi kis se bujhayi jaye,

Shehron ki sarhadon pe hai sehraaon ka hujoom,
Kyaa maajra hai aao khabar to lagaayi jaye,

Naazil ho jism-o-rooh pe jab be-hissi ka qehr,
Uss waqt dosto yeh ghazal gungunaayi jaye..



Yeh kya jagah hai dosto yeh kon sa dayaar hai..

Akhlaq Mohammad Khan Shahryar

Yeh kya jagah hai dosto yeh kon sa dayaar hai,
Hadh-e-nigaah tak jahaan ghubhaar hi ghubaar hai,

Har ek jism ruuh ke azaab se nidhaal hai,
Har ek aankh shabnami har ek dil figaar hai,

Humen to apne dil ki dharrknon pe bhi yaqeen nahin,
Khosha woh log jin ko duusron pe aitbaar hai,

Na jis ka naam hai koi na jis ki shakl hai koi,
Ik aisi shai ka kyun hamen azzal se intizaar hai..



Aahatt jo sunaayi di hai hijr ki shabb ki hai..

Akhlaq Mohammad Khan Shahryar

Aahatt jo sunaayi di hai hijr ki shabb ki hai,
Yeh raaye akelii meri nahin hai sab ki hai,

Sunsaan sarrak sanaatte aur lambe saaye,
Yeh saari fazaa ae dil tere matlab ki hai,

Teri deed se aankhen jee bhar ke sairaab huin,
Kis roz hua tha aisa baat yeh kab ki hai,

Tujhe bhool geya kabhi yaad nahin karta tujh ko,
Jo baat bohat pehle karni thi ab ki hai,

Mere suraj aa, mere jism pe apnaa saaya kar,
Barri tez havaa hai sardii aaj ghazzab ki hai..



Jutujuu jis ki thi uss ko to na paaya hum ne..

Akhlaq Mohammad Khan Shahryar

Jutujuu jis ki thi uss ko to na paaya hum ne,
Iss bahaane se magar dekh li duniyaa hum ne,

Sab ka ehvaal wohi hai jo hamaraa hai aj,
Yeh alag baat ke shikwa kiya tanhaa hum ne,

Khud pashemaan huye na ussay sharminda kiya,
Ishq ki vazaa ko kya khuub nibhaaya hum ne,

Kaun sa qehr ye ankhon pe hua hai naazil,
Ek muddat se koi khawb na dekha hum ne,

Umr bhar sach hi kahaa sach ke sivaa kuch na kaha,
Ajr kya iss ka mile ga yeh na sochaa hum ne..


Advertisements

We update our poetry database on daily basis so keep coming back for more Akhlaq Mohammad Khan Shahryar.



love shayari romantic shayari sad shayari nazam shayari