Daag Dehlvi Poetry

Latest Audio Poetry

Latest Designed Poetry

  • tasveermenemaangithi-thumb
  • kiskissewabastakaren-thumb
  • aankhdekhebina-thumb
  • baghmainjake-thumb
  • bewafayipeterijeehaifida-thumb
facebook like
twitter

Urdu Daag Dehlvi

Ranjish.com has lots of Urdu Daag Dehlvi Poetry. Feel free to add your own Daag Dehlvi Shayari here.


-



Daag Dehlvi

Daag Dehlvi
1831-1905

Daagh Dehlvi was an Indian poet who wrote most of his poetry on Love and Romance. His bibliography include Gulzar-e-Daagh, Yaadgar-e-Daagh, Masnavi Fariyad-e-Daagh, Aftab-e-Daagh, Mahtab-e-Daagh.



Aarzuu hai wafaa kare koi..

Daag Dehlvi

Aarzuu hai wafaa kare koi,
Jee na chaahe to kya kare koi,

Gr maraz ho davaa kare koi,
Marne wale ka kya kare koi,

Kosstay hain jale huye kya kya,
apne haq main duaa kare koi,

Un se sab apni apni kehte hian,
Mera matlab adaa kare koi,

Chaah se aap ko to nafrat hai,
Mujh ko chaahe khuda kare koi,

Iss gile ko gila nahin kehte,
Gar maze ka gila kare koi,

Yeh mili daad ranj-e-furqat ki,
Aur dil kaa kahaa kare koi,

Tum saraapa ho suurat-e-tasveer,
Tum se phir baat kya kare koi,

Kehte hain hum nahin khudaa-e-kareem,
Kyun hamari khataa kare koi,

Jis mei laakhon baras ki huuren hon,
Aisi jannat ko kya kare koi,

Is jafaa pr tumhe tamanna hai,
Ke meri iltijaa kare koi,

Muun lagaate hi Daagh itraaya,
Lutf hai phir jafaa kare koi..

10 votes, 4.70 avg. rating



Kyun vasl ki shabb hath lagane nahin dete..

Daag Dehlvi

Kyun vasl ki shabb hath lagane nahin dete,
Maashuuq ho ya koi amaanat ho kissi ki..

53 votes, 3.70 avg. rating



Khoob parda hai ke chilman se lage bethe hain..

Daag Dehlvi

Khoob parda hai ke chilman se lage bethe hain,
Saaf chupte bhi nahi saamne aatey bhi naheen..

13 votes, 4.62 avg. rating



Le chala jaan meri rooth ke jana tera,..

Daag Dehlvi

Le chala jaan meri rooth ke jana tera,
Aese aaney se to behter tha naa ana tera..

40 votes, 4.35 avg. rating



Raha na dil main woh be’dard aur dard raha..

Daag Dehlvi

Raha na dil main woh be’dard aur dard raha,
Muqeem kon hua hai, maqaam kis ka thaa..

27 votes, 4.04 avg. rating



Ajab apna haal hota jo visaal-e-yaar hota..

Daag Dehlvi

ajabapnahaalhota

26 votes, 4.46 avg. rating



Kyun vasl ki shab hath laganey nahin dete..

Daag Dehlvi

Kyun vasl ki shab hath laganey nahin dete,
Maashooq ho ya koi amaanat ho kissi ki..

21 votes, 4.14 avg. rating



Aap ka aitbaar kon kare..

Daag Dehlvi

aapkaaitbarkonkare

27 votes, 4.37 avg. rating



Rahe ga ishq tera khaak mein mila ke mujhe..

Daag Dehlvi

Rahe ga ishq tera khaak mein mila ke mujhe,
Ke ibtidaa mein huye ranj intihaa ke mujhe,

Diye hain hijar mein dukh dard kis balaa ke mujhe,
Shab-e-firaaq ne maara litaa litaa ke mujhe,

Baghair maut ke kis tarah koi marta hai,
Mera raqeeb bhi roya galey laga ke mujhe,

Har ik shakhss ko haasil judaa hai kefiyat,
Jafaa ke lutf tujhe hain, mazey wafaa ke,

Ghazab ki aah meri, Daagh naam hai mera,
Tamaam sheher jalaao ge kya jalaa ke mujhe..

15 votes, 4.07 avg. rating



Ranj Ki Jab Guftaguu Honay Lagi

Daag Dehlvi

Ranj Ki Jab Guftaguu Honay Lagi
Aap Se Tum Tum Se TU Honay Lagi

Chahye Paighambar Dono Taraf
Lutf Kia Jab Du-Ba-Du Honay Lagi

Meri Ruswayi Ki Naubat Aagayi
Unki Shohrat Qu-Ba-Qu Honay Lagi

Bay Niazi Badh Gayi Hai Is Qadar
Aarzoo Ki Aarzoo Honay Lagi

Ab Tou Mil Kar Dekhye Kya Rang Ho
Phir Hamari Justajuu Honay Lagi

“Daagh” Itraaye Howay Phirtay Hain Aaj
Shaayad Unki Aabruu Honay Lagi

5 votes, 4.00 avg. rating



Rasm-e-Ulfat Sikha Gaya Koi

Daag Dehlvi

Rasm-e-Ulfat Sikha Gaya Koi
Dil Ki Duniya Pe Chhaa Gaya Koi

Ta Qayaamat Kisi Tarah Na Bujhay
Aag Aisi Laga Gaya Koi

Dil Ki Duniya Ujri Si Kyun Hai ?
Kia Yahan Se Chala Gaya Koi

Waqt-e-Rukhsat Galay Laga Kar “Daagh”
Hanste Hanste Rula Gaya Koi

7 votes, 4.00 avg. rating



Ajab Apna Haal Hota Jo Visaal-E-Yaar Hota

Daag Dehlvi

Ajab Apna Haal Hota Jo Visaal-E-Yaar Hota
Kabhi Jaan Sadqe Hoti Kabhi Dil Nisaar Hota

Na Mazaa Hai Dushmani Main Na Hai Lutf Dosti Main
Koi Gair Gair Hota Koi Yaar Yaar Hota

Ye Mazaa Tha Dillagi Ka Ke Barabar Aag Lagti
Na Tumhen Qaraar Hota Na Hamein Qaraar Hota

Tere Waade Par Sitamgar Abhi Aur Sabr Karte
Agar Apni Zindagi Ka Hamein Aitbaar Hota

7 votes, 3.86 avg. rating



Lutf Wo Ishq Mein Paaye Hain Ke Jee Jaanta Hai

Daag Dehlvi

Lutf Wo Ishq Mein Paaye Hain Ke Jee Jaanta Hai
Ranj Bhee Aisay Uthaaye Hain Ke Jee Jaanta Hai

Jo Zamaanay Ke Sitam Hain Wo Zamaana Jaanay
TU Ne Dil Itnay Sataaye Hain Ke Jee Jaanta Hai

Muskuraatay Howay Wo Majmaa-e-Agyaar Ke Saath
Aaj Yun Bazm Mein Aaye Hain Ke Jee Jaanta Hai

Kaaba-o-Dair Mein Pathra Gayeen Dono Aankhain
Aisay Jalway Nazar Aaye Hain Ke Jee Jaanta Hai

Dosti Mein Teri Dar-Pardah Hamaaray Dushman
Is Qadar Apne Paraaye Hain Ke Jee Jaanta Hai

Daagh-e-Waarafta Ko Ham Aaj Tere Koochay Se
Is Tarah Khainch Ke Laaye Hain Ke Jee Jaanta Hai

4 votes, 3.00 avg. rating



Tmhara Khatt

Daag Dehlvi

Tumhare khath main naya ek salam kis ka tha
na tha raqeeb to akhir wo nam kis ka tha

Wo qatl kar ke har kisi se puchte hain
ye kaam kis ne kiya hai ye kaam kis ka tha

Wafa karenge nibhayenge baat manenge
tumhen bhi yaad hai kuch ye kalam kis ka tha

Raha na dil main wo be-dard aur dard raha
muqeem kaun hua hai maqam kis ka tha

Na pooch-paach thi kisi ki na aao-bhagat
tumhari bazm main kal ehtamam kis ka tha

Guzar gaya wo zamana kahen to kis se kahen
khayal mere dil ko subah-o-sham kis ka tha

Har ek se kahte hain kya “Daagh” bewafa nikla
ye puche in se koi wo ghulam kis ka tha

6 votes, 4.83 avg. rating



Phir shab e gham nahin mujhe

Daag Dehlvi

phir shab-e-gam ne mujhe shakl dikhai kyon kar
ye bala ghar se nikli hui ai kyon kar

tu ne ki gair se meri burai kyon kar
gar na thi dil main to lab par tere ai kyon kar

tum dilazar-o-sitamgar nahin main ne mana
man jayegi ise sari khudai kyon kar

aina dekh k vo kahne lage ap hi ap
aise achon ki kare koi burai kyon kar

kasrat-e-ranj-o-alam sun k ye ilzam mila
itne se dil main hai itnon ki samai kyon kar

dag kal tak to dua ap ki maqbul na thi
aj munh mangi murad ap ne pai kyon kar

6 votes, 4.83 avg. rating


Advertisements

We update our poetry database on daily basis so keep coming back for more Daag Dehlvi.



send free sms love shayari romantic shayari sad shayari nazam shayari

RSS Shayari

  • Koi naata na mohabbat ke baraabar niklaa.. July 2, 2015
    Koi naata na mohabbat ke baraabar nikla, Toot kar chaha jisse woh sitamgar nikla, Yoon to har lehar se thi apni shanaasayi bohat, Samjha saahil jisse woh gham ka samandar nikla, Rooh main jhaanka to yeh mehsuus hua mujh ko, Itna zarkhaiz jo lagtaa tha woh banjar nikla, Narmi hathon main na garmi saanson main […]
  • Tasveer mene maangi thi shokhee to dekhiye.. July 1, 2015
    Tasveer mene maangi thi shokhee to dekhiye, Ik phool us ne bhej diya hai gulaab ka..… The post Tasveer mene maangi thi shokhee to dekhiye.. appeared first on Ranjish.com.
  • Yeh kya jagah hai dosto yeh kon sa dayaar hai.. July 1, 2015
    Yeh kya jagah hai dosto yeh kon sa dayaar hai, Hadh-e-nigaah tak jahaan ghubhaar hi ghubaar hai, Har ek jism ruuh ke azaab se nidhaal hai, Har ek aankh shabnami har ek dil figaar hai, Humen to apne dil ki dharrknon pe bhi yaqeen nahin, Khosha woh log jin ko duusron pe aitbaar hai, Na […]
  • Aayina ab judaa nahin karta.. June 30, 2015
    Aayina ab judaa nahin karta, Qaid mei hoon rihaa nahin karta, Mustaqil sabr mei hai koh-e-giraan, Naqsh-e-ibrat sadaa nahin karta, Rang-e-mehfil badaltaa rehta hai, Rang koi wafaa nahin karta, Aish-e-duniyaa ki justujuu mat kar, Yeh dafeena mila nahin karta, Ji main aaye jo kar guzarta hai, Tuu kisi ka kahaa nahin karta, Ek waaris hamesha […]
  • Kis kis se wabasta karen hum apni umeedain.. June 28, 2015
    Kis kis se wabasta karen hum apni umeedain, Iss daur ka har shakss wafaa bhool geya hai..… The post Kis kis se wabasta karen hum apni umeedain.. appeared first on Ranjish.com.
  • Abhi iss taraf na nigaah kar main ghazal ki palken sanvaar loon.. June 28, 2015
    Abhi iss taraf na nigaah kar main ghazal ki palken sanvaar loon, Mera lafz lafz ho aayina tujhe aayine main utaar loon, Main tamaam din ka thakaa hua tu tamaam shab ka jagaa hua, Zara thehr jaa issi morr pr tere saath shaam guzaar loon, Agar aasmaan ki numaayeshon main mujhe bhi izn-e-qayaam ho, To […]
  • Udaas logon se pyar karna koi to seekhe.. June 27, 2015
    Udaas logon se pyar karna koi to seekhe, Safaid lamhon main rang bharna koi to seekhe, Koi to aaye khizaan main patey ugaane wala, Gulon ki khushbuu ko qaid karna koi to seekhe, Koi dikhaaye mohabbaton ke saraab mujh ko, Meri nigaahon se baat karna koi to seekhe, Koi to aaye nayi ruton ka peyaam […]
  • Din dhallaa raat phir aa gayi so raho so raho.. June 27, 2015
    Din dhallaa raat phir aa gayi so raho so raho, Manzilo cchhaa gayi khamoshi so raho so raho, Saara din tapte suuraj ki garmi main jalte jalte, Thandi thandi havaa phir chali so raho so raho, Garm sunsaan qariyon ki dharti mehekne lagi, Khaak rashk-e-iram ban gayi so raho so raho, Razm-gaah-e-jahan ban gayi jaa-e-aman-o-amaan, […]
  • Main laakh keh doon ke aakaash hoon zameen hoon main.. June 26, 2015
    Main laakh keh doon ke aakaash hoon zameen hoon main, Magar ussay to khabar hai ke kuch nahin hoon main, Ajeeb log hain meri talaash mei mujh ko, Wahan pe dhoond rahe hain jahaan nahin hoon main, Main aayinon se to maayuus laut aaya tha, Magar kissi ne bataaya bohat haseen hoon main, Woh zaray […]
  • Dard aesa dil main utha.. June 25, 2015
    Aaj rukhsat ho geya duniya se ek bimaar-e-gham, Dard aesa dil main utha jaan le ker hi geya..… The post Dard aesa dil main utha.. appeared first on Ranjish.com.