Daag Dehlvi
Ranjish.com has lots of Urdu Daag Dehlvi Poetry. Feel free to add your own Daag Dehlvi Shayari here.Daag Dehlvi Collection
Daag Dehlvi 1831-1905 |
Daagh Dehlvi was an Indian Urdu poet who wrote most of his poetry on Love and Romance. His real name was Nawab Mirza Khan but decided to use “Daagh” as his pen name (takhallus).
His bibliography include ;
- Masnavi Fariyad-e-Daagh
- Yaadgar-e-Daagh
- Gulzar-e-Daagh
- Mahtab-e-Daagh
- Aftab-e-Daagh
Daag’s ghazals have been sung by several popular singers in India and Pakistan. He started writing poetry from his early childhood and most of his early work was ghazal form of poetry. Daagh has several disciples including the famous urdu poets Seemab Akbarabadi, Allama Iqbal and Jigar Moradabadi.
Ranjish.com is the best place to Daag Dehlvi Poetry.
Ranj Ki Jab Guftaguu Honay Lagi
Daag Dehlvi
Ranj Ki Jab Guftaguu Honay Lagi
Aap Se Tum Tum Se TU Honay Lagi
Chahye Paighambar Dono Taraf
Lutf Kia Jab Du-Ba-Du Honay Lagi
Meri Ruswayi Ki Naubat Aagayi
Unki Shohrat Qu-Ba-Qu Honay Lagi
Bay Niazi Badh Gayi Hai Is Qadar
Aarzoo Ki Aarzoo Honay Lagi
Ab Tou Mil Kar Dekhye Kya Rang Ho
Phir Hamari Justajuu Honay Lagi
“Daagh” Itraaye Howay Phirtay Hain Aaj
Shaayad Unki Aabruu Honay Lagi
Rasm-e-Ulfat Sikha Gaya Koi
Daag Dehlvi
Rasm-e-Ulfat Sikha Gaya Koi
Dil Ki Duniya Pe Chhaa Gaya Koi
Ta Qayaamat Kisi Tarah Na Bujhay
Aag Aisi Laga Gaya Koi
Dil Ki Duniya Ujri Si Kyun Hai ?
Kia Yahan Se Chala Gaya Koi
Waqt-e-Rukhsat Galay Laga Kar “Daagh”
Hanste Hanste Rula Gaya Koi
Ajab Apna Haal Hota Jo Visaal-E-Yaar Hota
Daag Dehlvi
Ajab Apna Haal Hota Jo Visaal-E-Yaar Hota
Kabhi Jaan Sadqe Hoti Kabhi Dil Nisaar Hota
Na Mazaa Hai Dushmani Main Na Hai Lutf Dosti Main
Koi Gair Gair Hota Koi Yaar Yaar Hota
Ye Mazaa Tha Dillagi Ka Ke Barabar Aag Lagti
Na Tumhen Qaraar Hota Na Hamein Qaraar Hota
Tere Waade Par Sitamgar Abhi Aur Sabr Karte
Agar Apni Zindagi Ka Hamein Aitbaar Hota
Lutf Wo Ishq Mein Paaye Hain Ke Jee Jaanta Hai
Daag Dehlvi
Lutf Wo Ishq Mein Paaye Hain Ke Jee Jaanta Hai
Ranj Bhee Aisay Uthaaye Hain Ke Jee Jaanta Hai
Jo Zamaanay Ke Sitam Hain Wo Zamaana Jaanay
TU Ne Dil Itnay Sataaye Hain Ke Jee Jaanta Hai
Muskuraatay Howay Wo Majmaa-e-Agyaar Ke Saath
Aaj Yun Bazm Mein Aaye Hain Ke Jee Jaanta Hai
Kaaba-o-Dair Mein Pathra Gayeen Dono Aankhain
Aisay Jalway Nazar Aaye Hain Ke Jee Jaanta Hai
Dosti Mein Teri Dar-Pardah Hamaaray Dushman
Is Qadar Apne Paraaye Hain Ke Jee Jaanta Hai
Daagh-e-Waarafta Ko Ham Aaj Tere Koochay Se
Is Tarah Khainch Ke Laaye Hain Ke Jee Jaanta Hai
Tmhara Khatt
Daag Dehlvi
Tumhare khath main naya ek salam kis ka tha
na tha raqeeb to akhir wo nam kis ka tha
Wo qatl kar ke har kisi se puchte hain
ye kaam kis ne kiya hai ye kaam kis ka tha
Wafa karenge nibhayenge baat manenge
tumhen bhi yaad hai kuch ye kalam kis ka tha
Raha na dil main wo be-dard aur dard raha
muqeem kaun hua hai maqam kis ka tha
Na pooch-paach thi kisi ki na aao-bhagat
tumhari bazm main kal ehtamam kis ka tha
Guzar gaya wo zamana kahen to kis se kahen
khayal mere dil ko subah-o-sham kis ka tha
Har ek se kahte hain kya “Daagh” bewafa nikla
ye puche in se koi wo ghulam kis ka tha
Phir shab e gham nahin mujhe
Daag Dehlvi
phir shab-e-gam ne mujhe shakl dikhai kyon kar
ye bala ghar se nikli hui ai kyon kar
tu ne ki gair se meri burai kyon kar
gar na thi dil main to lab par tere ai kyon kar
tum dilazar-o-sitamgar nahin main ne mana
man jayegi ise sari khudai kyon kar
aina dekh k vo kahne lage ap hi ap
aise achon ki kare koi burai kyon kar
kasrat-e-ranj-o-alam sun k ye ilzam mila
itne se dil main hai itnon ki samai kyon kar
dag kal tak to dua ap ki maqbul na thi
aj munh mangi murad ap ne pai kyon kar
Ab woh yeh keh rahe hain meri maan jaayiye..
Daag Dehlvi
Ab woh yeh keh rahe hain meri maan jaayiye,
Allah teri shaan ke qurbaan jaayiye,
Bigrre huye mizaaj ko pehchaan jaayiye,
Seedhi tarah na maaniye ga maan jaayiye,
Kis ka hai khauf rokne waala hi kaun hai,
Har roz kyun na jayiye mehmaan jaayiye,
Mehfil mei kis ne aap ko dil mein chupaa liya,
Itnon mei kaun chor hai pehchaan jaayiye,
Hai tevarii mein ball to nigaahen phiri hui,
Jaate hain aise aaney se ausaan jaayiye,
Do mushkilen hain ek jataane mei shauq ke,
Pehle to jaan jaayiye phir maan jaayiye,
Insaan ko hai khaana-e-hasti mein lutf kya,
Mehmaan aaye to pashemaan jaayiye,
Go vaad-e-visaal ho jhuuta maza to hai,
Kyun kr na aise jhuut ke qurbaan jaayiye,
Reh jaaye baad vasl bhi chettap lagi hui,
Kuch rakhiye kuch nikaal ke armaan jaayiye,
Achii kahi ke ghair ke ghar tak zara chalo,
Main aap ka nahin huun nigehbaan jaayiye,
Aaye hain aap ghair ke ghar se kharre kharre,
YEh aur ko jataayiye ehsaan kar jaayiye,
Dono se imtihaan-e-wafaa pr yeh keh diya,
Manwaaayiye raqeeb ko yaa maan jaayiye,
Kya bd.gumaaniyan hain unhe mujh ko hukm hai,
Ghar mei khuda ke bhi to naa mehmaan jaayiye,
Kya farz hai ke sab meri baaten qubool hain,
Sun sun ke kuch na maaniye kuch maan jaayiye,
Saudaaaayiyan-e-zulf mai kuch to lattak bhi ho,
Jannat mei jaayiye to pareshaan jaayiye,
Dil ko jo dekh lo to yehi pyaar se kaho,
Qurbaan jaayiye tere qurbaan jaayiye,
Jaane na doon ga aap ko be-faislaa huye,
Dil ke muqadme ko abhi chhaan jaayiye,
Yeh to bajaa ke aap ko duniya se kya gharazz,
Jaati hai jis ki jaan usse jaan jaayiye,
Ghusse mei haath se yeh nishaani na gir parre,
Daaman mei le ke mera garebaan jaayiye,
Yeh mukhtasir jawab milaa arz-e-vasl pr,
Dil maanta nahin ke teri maan jaayiye,
Woh aazmuuda-kaar to hai gr walli nahin,
Jo kuch bataayiye Daag ussey maan jaaayiye…
Advertisements
We update our poetry database on daily basis so keep coming back for more Daag Dehlvi.