Designed Shayari

Aao aankhen mila ke dekhte hain,
Kon kitna udaas rehta hai..

Zindagi roz ulajhti hai mere khawbon se,
Iss liye aao in ankhon ko bhujaa dete hain..

Seema Naqvi

Dil ko reh reh ke yeh andeshe daraane lag jayen,
Waapsi main ussay mumkin hai zamaane lag jayen,

So nahin paayen to sone ki duaayen maangen,
Neend aanay lage to khud ko jagaane lag jayen,

Uss ko dhoondhen usay ik baat bataane ke liye,
Jab woh mil jaaye to woh baat chupaane lag jayen,

Har december ussi vehshat main guzaara ke kahin,
Phir se aankhon main tere khawb na aanay lag jayen,

Itni taakheer se mat mil ke hamen sabr aa jaye,
Aur phir hum bhi nazar tujh se churaane lag jayen,

Jeet jaayen gi hawaayen yeh khabar hote huye,
Tez aandhi main charaaghon ko jalaane lag jayen..

Muddat huyi ke khud se kahin la-pata hoon main,
Gum raaste main hoon ya koi raasta hoon main..

Dukh hai to yeh ke ik bhi gawahi na mil saki,
Halaan-ke ik hujoom main maara geya mujhe..

Har koi dil ki hatheli pe hai sehraa rakhe,
Kis ko sairaab kare kise pyaasa rakhe,

Umar bhar kon nibhaata hai taluq itna,
Aye meri jaan ke dushman tujhe Allah rakhe,

Hum ko acha nahin lagta koi hum-naam tera,
Koi tujh sa ho to naam bhi tujh sa rakhe,

Dil bhi pagal hai ke uss shakss se wabasta hai,
Jo kisi aur ka hone de na apna rakhe,

Hanss na itna bhi faqeeron ke akele pan pr,
Ja khuda meri tarah tujh ko bhi tanhaa rakhe,

Yeh qanaat hai itaaat hai ke chahat hai Faraz,
Hum to raazi hain woh jis haal main jesa rakhe..

Ik junoon be-maani, ik yaqeen la-haasil,
Kya mila humen mohsin uss ki arzuu kar ke..

Bicharr ke uss se pareshan bohat hoon main,
Sunaa hai woh bhi barri uljhanon main rehta hai..

Dusri bar hamaaqat nahin karne wala,
Ab kisi se main mohabbat nahin karne wala,

Lakh tu zulm o sitam kar le magar yaad rahe,
Sii liye lab ab main shikayet nahin karne wala,

Laut aaye ga woh pat’jharr me yeh kese maanon,
Woh kabhi bhi yeh inaayet nahin karne wala,

Uss ki fitrat main hai logon ki ghulaami karna,
Sau kabhi bhi woh baghaawat nahin karne wala..

Un ke bhi qatal ka ilzaam hamare sar hai,
Jo humen zehar pilaate huye mar jaate hain..