Designed Shayari

Udaasiyon ka yeh mausam badal bhi sakta tha,
Woh chahta to mere sath chal bhi sakta tha,

Woh shakss tu ne jis ko chorrne ki jaldi ki,
Tere mizaaj ke saanchay main dhhal bhi sakta tha,

Woh jald-baaz khafaa ho kar chal diya warna,
Tanaazaat ka koi hall nikal bhi sakta tha,

Anaaa ne hath uthaane na diya warna,
Meri duaa se woh pathar pighal bhi sakta tha,

Tamaam umar tera muntazir raha Mohsin,
Yeh aur baat ke rasta badal bhi sakta tha..

Kya ghazab hai ke hijr ke din bhi,
Zindagi main shumaar hote hain..

Zindagi hai ya koi tuufaan hai,
Hum to is jeene ke hathon mar chale..

Main aik zamaane se tumhe dhoond raha hoon,
Tum aik zamaane se khuda jaane kahan ho..

Masoom kis qadar tha main aghaaz-e-ishq main,
Aksar to us ke saamne sharmaa geya hoon main..

Ik umar hum kisi pe bharosa kiye rahe,
Phir umar bhar kisi pe bharosa nahin kiya..

Meri ankhon ko soojhta hi nahin,
Ya muqadar main raasta hi nahin,

Woh bharay sheher main kisi se bhi,
Mere baaray main puchta hi nahin,

Phir wohi shaam hai wohi hum hain,
Haan magar dil main hausla hi nahin,

Hum chale us ki bazm se uth kar,
Aur woh hai ke rokta hi nahin,

Dil jo ik dost tha magar woh bhi,
Chup ka pathar hai bolta bhi nahin,

Main to us ki talaash main gum hoon,
Woh kabhi mujh ko dhoondta hi nahin..

Us ko lotaayen ge hum suud samait,
Qarzz hai hum pe be-hissi us ki..

Chehre ke naqoosh itne sadmon ne badal daalay,
Yaaron ne mujhe meri awaaz se pehchaana..

Phir na kijey meri gustaakh nigaahi ka gila,
Dekhiye aap ne phir pyaar se dekha mujhe..