Sad Shayari
Ranjish.com has lots of Urdu Sad Shayari Poetry. Feel free to add your own Sad Shayari Shayari here.Sad Shayari Collection
Sad Shayari is a form of Urdu Poetry which is depressing, unhappy and sorrowful. Sad Poetry is loved by people who are depressed and heart-broken. Reading and Writing Urdu sad poetry is a nice way to express your sad feelings to the world.
There are lots of famous poets who were known for their sad poetry, but there are lots of couplets and poems out there which are very good but their authors are not known. We will try to upload all of the sad poetry whether their authors are known or not known.
Yehi Sheher-e-ghum ka naseeb hai. . !
Sad Shayari
Yehi sheher-e-ghum ka naseeb hai, k wo roshni ka naqeeb hai
Jo chura gaya hai kiran kiran, jo bujha gaya hai diya diya. . !
Kuch Khuwab Thy. . !
Sad Shayari
Yaad parta hai k kush khuwab thy dhundlay dhundlay
Wo amanat mein kahi’n bhool gaya hun rakh k . . !
Wo Mery Paas Aa Kar Kharri Ho Gai . . !
Sad Shayari
Mery haalaat ki abtari dekh kar . .
Us k abbu ne thukra diya tha mujhy . .
Phir achanak wo ik anjuman mein mili . .
Apni khamosh palkain jhukaye huay . .
Wo mery pas aa kar kharri ho gai . .
Chand lamho’n talak khanjar-e-khamoshi ..
Dheeray dheeray kalaij’on mein chalta raha. .
Waqt hairan aankho’n ko malta raha. .
Phir zara daair mein mozu-e-guftugu. .
Apny hath aa gaya. .
Yani mosam, siyasat, ghum-e-zidagi. .
Dair tak us se jee bhar k baatain hui’n. .
Phir wo chaltay huay aik pal ko ruki . .
Mujh se kehny lagi:
Shayari se bhala kia mila aap ko?
Sirf palko’n ka num?
Sirf yaado’n ka ghum?
Aap ki shohratain, aap ko besh-o-kam . .
Kuch na de gi kabhi shayari mohtaram. . !
Mat bura maniye ga meri baat ka. .
Ye taqaza hai mojooda haalaat ka. .
Is liye jan-e-man shayari chorr kar. .
Fann k in raigzaaro’n se munh morr kar. .
Ab Dubai aur Musqat ka rukh kejiye. .
Chand barso’n mein jab aap ki jaib mein. .
Aath dus laakh ho’n. .
Tab watan aaiye. .
Aur abu se phir maang lejiye mujhy. !
Ye Charagh-e-Anjuman !
Sad Shayari
Ye charagh-e-anjuman to hain bus aik shab k mehmaan
To jala wo shama ae dil! jo bujhy na kabhi jal sakay!
Yehi Kahaingy Jo Pucha Gaya Wahan Hum Se. .
Sad Shayari
Yehi kahaingy jo pucha gaya wahan hum se
Jiye to khaak, magar zindagi guzaar aaye. !
Ye Phool Apni Latafat Ki Daad Paa Na Saka!
Sad Shayari
Ye phool apni latafat ki daad paa na saka
Khila zaroor magar khil k muskura na saka. !
Ye Ittefaq Hai Sab Raah Ki Musafat K . .
Sad Shayari
Ye ittefaq hai sab raah ki musafat k
Chalay kisi k liye, jaa milay kisi k sath. . !
Awaaz Ka Rishta. . .
Sad Shayari
Bus yunhi rasmi rasmi sa
Ik be-mafhoom ta’aruf tha
Us ne mera number mang liya
Phir ik din telifone kiya
Phir fone kiya..
Phir fone kiya..
Ik roz thi barish zoro’n per
Baadal garjay, Bijli chamki
Phir boondai’n barsi khirki per
Tab uska telifone aya
Be-saakhta meine us se kaha
Barsaat mein tanhai ki saza
Kyun deti ho?
Kyun karti ho tum fone mujhy?
Kuch lamho’n tak wo chup si rahi
Phir kehnay lagi:
Jo aap ka dheema lehja hai
Mujhy be-hadd acha lagta hai
Awaaz jo ap k honto’n se
Tashna kaano’n tak aati hai
MUJHY “USKI” YAAD DILATI HAI…!
Ye Ajnabi Si Manzilain. .
Sad Shayari
Ye ajnabi si manzilain aur raftaga’n ki yaad
Tanhai’yon ka zeher hai aur hum hain dosto!
Bujh Jaingi Roshan Aankhain. . !
Sad Shayari
Ye roshan aur piyari aankhain
Zalim khaak mein rul jaingi
God mein lainy wali baanh’ain
Beher-e-fana mein ghul jaingi
Maa’n tum tanha chorr k hum ko
Sheher-e-ajal mein kho jaogi
Bujh jaingi roshan aankhain
Maa’n tum chain se so jaogi
Sheher-e-abad ki ho jaogi
Charagar’on k qaatil jumley
Sunta hun to dukh hota hai
Zabt karo’n to dum ghut’ta hai
Ashk piyu’n tou dil rota hai
Taaq umer se dheeray dheeray
Kitni sham’ain bicharr chuki hain
Tum se pehly taiz hawa se
Kitni aankhain ujarr chuki hain
Lekin ye ghum kaisa ghum hai?
Jis k sog mein chashm-e-falak bhi
Janay kitney roz se num hai
Janey kab tk ro’aingi aankhain
janay kab tk lamhay gin gin
Guzraingy sooli per ye din
Aur phir ik din . . .
Sochta hun to kaanp uthta hun. . .!
Advertisements
We update our poetry database on daily basis so keep coming back for more Sad Shayari.
