Ibn-e-Insha

Ranjish.com has lots of Urdu Ibn-e-Insha Poetry. Feel free to add your own Ibn-e-Insha Shayari here.

Ibn-e-Insha Collection

Ibn e Insha Ibn e Insha
1927-1978

Ibn e Insha (ابن انشاء) is well known for his sufi poetry. Ibn e Insha was a super famous pakistani poet who wrote poetry on life and love. We will be adding more and more Ibn e Insha poetry everyday so keep visiting us for more of Ibn e Insha poetry.
His real name was Sher Muhammad Khan. He was also a good humorists. Some of Ibne Insha’s Poetry is thought to be the best ever like “Inshaji uttho ab kooch karo”, “Kal Chaudavi ki raat thi” and “Dil-e-Wehshi”.



Phir se ankhon main khawab Inshaa Ji ?

Ibn-e-Insha

phir se ankhon main khawb

Phir se ankhon main khawb insha ji,
Ijtinaab, ijtinaab, ijtinaab insha ji..



Darwaaza khula rakhna – Ibn e Insha

Ibn-e-Insha

Dil dard ki shidat se hoon gashta wasi para,
Is sheher mein mein phirta hai ik wehshi o awaara,
Shaayer hai ke aashir hai, Jogi hai ke banjaara,

Darwaza khula rakhna,

Seeney se ghataa uthey, ankhon se jharri barse,
Phaagan ka nahin badal, jo chaar ghari barse,
Barkha hai yeh bhadon ki, Barse to bari barse,

Darwaza khula rakhna,

Ankhon mein to ik aalam, Ankhon mein to dunya hai,
Honthon pe magar mohrain, Mu’n se nahin kehta hai,
Kis cheez ko kho betha, Kya dhoondne nikla hai,

Darwaza khula rakhna,

Haan thaam mohabbat ki gar thaam sake dori,
Sajan hai tera saajan, Ab tujh se to kya chori,
Yeh jis ki manaadi hai basti mein teri gori,

Darwaza khula rakhna,

Shikwon ko utha rakhna, Ankhon ko bacha rakhna,
Ik shamma dareechey ki chokhat pe jala rakhna,
Mayoor na phir jaye, Haan paas wafaa rakhna,

Darwaza khula rakhna,
Darwaza khula rakhna.



Dil hijr k dard se bojhal hai, ab aan milo to behter ho

Ibn-e-Insha

Dil hijr k dard se bojhal hai, ab aan milo to behter hai,
Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,
Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,
Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan
Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,
Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,
Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya
Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,
Ab sukh k sapne kya dekhein, jab dukh ka sooraj sar par ho…

(Judai:Separation)(Mail:Meet)(Phora:Pimple)(Rutba:Stage,Level)



Karogy Bahana kia

Ibn-e-Insha

Insha G utho ab kooch karo..
Iss shehr me g ka lagana kya

Wehshi ko sukoon se kya matlab
Jogi ka nagar me thikana kya

Iss dil k darida daman me
Dekho to sahi socho to sahi

Jis jholi me sou chhaid huay
Uss jholi ka phailaana kya

Shab beeti,chaand bhi doob chala
Zanjeer parri darwazy par

Kyun dair gaey ghar aaey ho
Sajni se karo gay bahaana kya

INSHA G utho ab kooch karo
Iss shehr me G ka lagaana kya…



puch lena tha kisi khak basar se pehle

Ibn-e-Insha

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle


Advertisements

We update our poetry database on daily basis so keep coming back for more Ibn-e-Insha.



love shayari romantic shayari sad shayari nazam shayari