Iqbal Ashar

Ranjish.com has lots of Urdu Iqbal Ashar Poetry. Feel free to add your own Iqbal Ashar Shayari here.

Iqbal Ashar Collection

Iqbal Ashhar is a famous poet of Urdu Shayari from Delhi. Ranjish.com has a good collection of poetry written by him.

Iqbal Ashar



silsila khatam hua jalne jalane wala

Iqbal Ashar

silsila khatam hua jalne jalane wala
ab koi khawb nahin neend uRrane wala

yeh woh sehraa hai sujhaye na agar tu rasta
khaak ho jaye yahan khaak uRrane wala

kya kare ankh jo pathrane ki khawhish na kare
khawb ho jaye agar khawb dikhane wala

yaad ata hai ke main khud se yahin bichRra tha
yahi rasta hai tere sheher ko jane wala

ae hawa us se yeh kehna ke salamat hai abhi
tere phoolon ko kitabon main chupane wala

zindagi apni andheron main basar karta hai
tere anchal ko sitaron se sajane wala

sabhi apne nazar ate hain bazahir lekin
roothne wala hai koi na manane wala

le gayin door bohat door hawa-en jis ko
wohi badal tha meri pyas bujhane wala



thehri thehri si tabiyat main rawani ayi

Iqbal Ashar

thehri thehri si tabiyat main rawani ayi
aj phir yaad mohabbat ki kahani ayi

aj phir neend ko ankhon se bichaRrte huye dekha
aj phir yaad koi choTt purani ayi

mudatton baad chala un pe hamara jadu
mudatton baad humen baat banani ayi

mudatton baad pasheman hua dariya se
mudatton baad humen pyas chupani ayi

mudatton baad khuli vusat -e- sehraa hum par
mudatton baad humen khaak uRrani ayi

mudatton baad muyassar hua maan ka anchal
mudatton baad humen neend suhani ayi

itni asani se milti nahin fun ki daulat
Dhal gayi umar to ghazlon pe jawani ayi



Woh kisi ko yaad kar ke muskuraya tha udhar..

Iqbal Ashar

Woh kisi ko yaad kar ke muskuraya tha udhar,
Aur main nadaan yeh samjha ke woh mera hua..


Advertisements

We update our poetry database on daily basis so keep coming back for more Iqbal Ashar.



love shayari romantic shayari sad shayari nazam shayari