Iqbal Bali
Ranjish.com has lots of Urdu Iqbal Bali Poetry. Feel free to add your own Iqbal Bali Shayari here.Iqbal Bali Collection
Iqbal Bali is a prominent Urdu Poet from Mianwali, Pakistan. Ranjish.com has a lot of Urdu poetry written by Muhammad Iqbal who also goes by the name of Iqbal Bali.
zulf lehrayi hai kahin us ki
Iqbal Bali
zulf lehrayi hai kahin us ki
yeh jo kaali ghaTta si lagti hai
zindagi ne jawaaz manga tha
Iqbal Bali
zindagi ne jawaaz manga tha
sau tere gham se dosti kar li
aik kohraam bapaa hai mujhe main
Iqbal Bali
aik kohraam bapaa hai mujhe main
jane kya TooT gaya hai mujh main
tum chale aao bina dastak ke
aik darwaza khula hai mujh main
rang -o- khushbu se bhara rehta hoon
tu hai ya phool khila hai mujh main
zindagi tujh ko hai jana jab se
khauf sa beth gaya hai mujh main
main to raazi tha teri bait par
par koi bol paRra hai mujh main
ab wohi thookta rehta hoon main
tum ne jo zeher bhara hai mujh main
dil ke abaad nagar tha bali
ab to veeran paRra hai mujh main
zeher aesa tha kuch zaban-on main
Iqbal Bali
zeher aesa tha kuch zabaan-on main
teer hote hain jaise kamaan-on main
maazrat hai jo meri baat-on se
farq aaya ho tere shaanon main
woh mohabbat to uTh gayi kab ki
tazkara reh gaya fasaanon main
khud ko dekhoon, tujhe, ke duniya ko
zindagi baTt gayi hai khaanon main
tu nahin hai magar teri awaz
ab bhi rass gholti hai kaan-on main
ab khuda bhi kisi ko yaad nahin
paRr gaye log kin gumaan-on main
daaj pyara hai un ko dulhan se
yeh riwayat hai kuch gharanon main
sheher veeran ho gaya sara
log ab band hain makaan-on main
waizon ki suno magar bali
ungliyan de ke apne kaan-on main
har ghaRri karbala si lagti hai
Iqbal Bali
har ghaRri karbala si lagti hai
zindagi ab saza si lagti hai
baat us ke lab-on se nikle to
narawaa bhi rawaa si lagti hai
dil kisi tarah manta hi nahin
par mujhe bewafa si lagti hai
zulf lehrayi hai zaroor us ki
yeh jo kaali ghaTta si lagti hai
Aesi qismat mili humen yaar-o
jab bhi dekho khafaa si lagti hai
mujhe ko yeh azn shayari bali
mere rab ki ataa si lagti hai
aesi kaali jo raat aye gi
Iqbal Bali
aesi kaali jo raat aye gi
teri zulfon pe baat aye gi
tere daman main Daal doon ga main
gar khushi mere hath aye gi
mujh ko maloom tha yeh pehle se
mere hisse main maat aye gi
saari behes-en samaiTt doon lekin
darmiyan teri zaat aye gi
kaise chal pao ge kaho bali
har qadam par jo ghaat aye gi
Advertisements
We update our poetry database on daily basis so keep coming back for more Iqbal Bali.